ملاوح

[مـــلاوح]

السلام عليكم ورحمة الله وبركاته ..

سـ أضع في هذا المتصفـح أبياتي القريبـه منـّي والبعيده ..

وشكرا مقدما ً لكل من مر من هنــا ..

[مـــلاوح]

لازم العاشق ليا حب يعـرف حاجتيـن \\ بالبدايه .. والنهايه \ قليـل اللـي سلـم
البدايه : حب \ وأشواق \ بسمات \ وحنين \\ والنهايه: هم \ وفراق \ ودمـوع \ وألـم

[مـــلاوح]

أنا .. صديقي لو يغيب !! أقول: \\ أن غاب غالي وإن حضر غالي

[مـــلاوح]

أذا قلت من هـو تردى نصيبه .. أبسكت نصيبي أنا ليه أسبه

يجاوبك قلب ٍ جروحه عطيبه .. من الوقت صلـف الهبايب تهبه

شقى من جروحه ولاهي غريبه .. فالايام يشقى و يشكي لربه

وصلـت المدينـه بدوّر حبيبه .. لقيت أن حبـك علاجـه و طبـه

خذيته من الصدر أمانـه تجيبه .. ترى قمت أمشي وكني أمسبه

طيـب المحبه ولا هي غصيبه ..مـ هو غصب من هو يحبك تحبه

شعوري تعرفه قبل لا آحكيبـه .. ابعرف شعورك تجاه المحبه

[مـــلاوح]

ضايق الخلق لا تشـّره عليـه .. حاول أنك توسـّع خاطره

كل ماضاق نادى اللي يبيـه .. في خياله لحـالـه ناطره

لحظة أشواق بالشوق ونـتيــه .. تحت جو الغيوم الماطره

أيــه أنا بالحزن مالي شبيـه .. صمت فرحي وحزني فاطره

طالبك لا تقول تضيق ليـه .. الليالي بجرحي شاطره

[مـــلاوح]

من هذاك اليوم والحـب انطلق \\ في بساتين الرياض ابلا صفه

شي محزن كان هالباب انغلق \\ الشعور بوقتها من ياصفه

الحزن ماله شبيه الا القلق \\ صاحبه ضاع برياح العاصفه

لو اقول القـلب بأحزانه علق \\ بتشمت فيه والا اتناصـفـه ؟

[مـــلاوح]

الليل لاغاب يظهـر بعده الــنـور \\ مع طلة النـور تحيا بي رسـالــه

هـيّض غصـون الشجر تغريد عصفـور \\ وانا تهيظـت من جرح البطالــه

الحال ما بيـن متـضايق و مسرور \\ و شلون ابسلك دروبي بالسهـالــه

ماني على الصبر يالأحزان مجبـور \\ الصـبر طبع العقول أهل العدالـه

[مـــلاوح]

في سمانا بروق وليلنا ما ملاه \\ غيـر ذكرى تهـب وعشرة ٍ راحله

منت الأول على تجريح قلب ٍ خذاه \\ حضرة الهـم في يمـه وفي ساحلـه

[مـــلاوح]

علاقتي وياك ابتعدمني \\ الحب فيها شي ٍ ويا قدمه

صدمتني مره ولا تصدمني \\ صدمه جديده والشعور تعدمه

ابهدمك من واقعي واهدمني \\ دامك تجيني كل يوم بصدمه

ان كانك معزم تبي تخدمني \\ البعد عني هذي افضل خدمه

[مـــلاوح]

أشهداني احاتي واكتم الآه \\ من يبعـّد خفوقـي عن شتـاتـي

لو عطاني زماني ما أتمنــاه \\ كان ماعشت في عمـري آحـاتـي

ينكسـر خاطر اللي عاش دنياه \\ عند كلمة متى ترجع غناتي

الجفــا لو يحن و يبذل أقصاه \\ كان ما قلت كرهـّنـي حياتـي

[مـــلاوح]

ترى العيون اللي أضحكت لك أجزم أنها ماتبيـك \\ وألا العيون اللي بكت لك أجزم أنها لك فدى

[مـــلاوح]

كـبار العقول تطيـح في غلطتيـن صغـار \\ وأنـا أقول : ياقلبي تعـدّى على شانـي

غلـط أول \ وثـاني .. صديقي وجاه إنذار \\ لكن ثالـث الغلطـات تثبـت على الجانـي !!

[مـــلاوح]

بـروح والخطوه ثقيـلـه يـا الهـوى \\ مـع أني اليا ضقت مدري [ وين أروح ]

[مـــلاوح]

عادي لو أنك جيت أو رحت عني \\ منت بـ مثل أول ليا رحت أو جيـت

لا عاد تطلب شي مني لأني \\ عطيتك أكبر شي .. ( قلبـي ) .. وصديت

[مـــلاوح]

لا

لا تصير بعزلتـك مطوي طوي \\ أجتهد ياخوي واللي راح راح

الفشـل يعطيك دافع معنوي \\ لا فشلت اتحط في راسك نجاح

[مـــلاوح]

قد قلت لك .. أنا معي قلب وإحساس \\ صعبه أعاشـر فاقد إحساس وأعطيـه

حاولت بك ( مافاد ) والحيـن .. هـالنـاس \\ واجد وشوفي من تبيـنه وحبـيــه

[مـــلاوح]

الطعنـه اللي جات في ظهـر الوفـا من يديك ؟ \\ وشلون تطعن من [وفـا] واتحن للي جفـا

هذا وأنا اللي كنت [أحبك ، وأعشقك , وأهتويك] \\ حملتـّنـي هم ٍ ثقيل ٍ فوق متني ( أفــــا )

يرضيك يعني : تخطي بحقي وأنا أشيد فيـك ؟ \\ ليلك من أفعالك عتيم وشوف نورك طفـا !!

.. خليتني حاير مـ بين همومي .. أنت اش عليك \\ ذي غلطتي ! وأنـا أتحمــّل كل هم ٍ لفــا

لكن عسـى اللي جاني البـارح ياربي يجيك \\ عشـان تعرف [ قيمتي ] واتحن للي [ وفــا ]

[مـــلاوح]

على الأقـل لاشفتني بس سلـّم \\ السالفه ماتوصل الكره الحقد

باكر يعلمــّك الزمن وأتعلــّم \\ إني أفيدك يوم وجهّت لك نقـد

[مـــلاوح]

متى أشوفك بس وألمس كفوفك \\ مدلعه بالحكي .. تتصنع الغنج

ماهو عشاني يوم قالت بشوفك \\ ملعونة المترس تبي تركب الرنج

[مـــلاوح]

الشوق لا قلت لي هذا المسا جابه \\ بقول لك غمـّض عيونك وتلقاني

[مـــلاوح]

ميــّت يا جدي ولي شهـرين من موتــك \\ ما أستوعــب القلـب ليل فراقك الجـارح

لا صـرت بـ لحالي أذكـر وجهك وصوتك \\ ما كنـّك إلا يا جدي ميـّت البـــارح

[نوف الخالدي]

معزوفة راقية جداً كنت ولازلت من المستمتعين هنـــــــا بعذب حرفك الراقي

.:.:. ملاوح .:.:.


مُورق هنــــــــــا ومُزهر هو الحرف هنــــــــا



ويختبئ الجمال هنـــــــــا سأكون متابعة هنـــــــــــا




مودة وأمنية



تراتيل إعجابي وتقديري

http://www.dohaup.com/up/2009-02-08/dohaup_854991701.gif (http://www.dohaup.com/)

[مـــلاوح]

ضي الخواطر ..

شكرا على اطرائك ..

وشكرا على هذا التواجد الراقي ..

تسعدني متابعتك ..

[مـــلاوح]

جامل على كيفك بـ كل المواضيـع \\ إلا الشعـر ممنوع فيـه المجامـل

[مـــلاوح]

طارت عيونـي من اللي شفت قدامـي \\ يـوم الهوى هـب بيـّن لي ملامحـهـا

تقـول لي ( أف ) طار من الهوى لثامـي \\ وراحت وانا واقـف الله لا يسامحهــا

[مـــلاوح]

تدري شـ اللي يقهـرك لاجيت في وسط الرياض \\ ساقتـك رجلـك على البرجـيـن ثـم قالوا عوايـل :(

[مـــلاوح]

من تناهيـد والا مـن جـراح \\ ضيقـة النفـس فيني عادهــا

وأنـت طاريك مع هذا الصباح \\ قلت ايخفف عليها وزادهـا

[مـــلاوح]

اتحبني وأجاملك واتقول لي ( زين ليـه ؟ ) \\ لأني أنا مثلك .. أحب انسان ماحبنــي

[مـــلاوح]

بوقت واحد تحب اثنين
وشلون قلبك تحملهم


(القلب ماياسع لشخصيـن)
رح للمحبيـن وأسألهـم


هذا طريق الشقى والبيـن
ماظني الشخص يجهـلـهم


الشوق من لايعرفه زيـن
لاشاف خلانـه اهملـهم


لو كنت تلعب على الحبلين
ضاع الغـلا يا مجاملهم


هذاك شاف الحـلا والزين
وهذاك شاف انك اعقلهم


تبيني الثالث المسكيــن
وتقطع رجاوي مواصلهـم


وقـّف هنـا واسمع الشطرين
شطرين من قلب قايلهم


أن كان تبغى حنان وليـن
ارجع لهم لأنـي أبخلهـم

[مـــلاوح]

ما تحسفـّت يوم أنك زعلـت ورحلـت \\ آتحسف على نفسي لا ساد الظلام

تحتفـل كـل خلـق اللـه وأنـا مـ أحتفلت \\ حـابس القلب في دنيـا الشقى والملام

[مـــلاوح]

أنا مشتاق لـ عيونك .. شسوي دامني أشتاق ؟؟ \\ تحظنـّت الهبوب البارده وأشتقت لأنفاسك

طرت لي أمنيـه خليتهـا في داخل الخفـّـاق \\ تمنيتك معاي الليل كلـه [ راسي وراسك ]

[مـــلاوح]

انكحـل عيوننـا .. بـ السوق وألا السفـر \\ إلـى متى يا صديقي نحرق قلوبنـا ؟

[مـــلاوح]

أشوفك تفرك ايدينك تغني منقهــر ( ويلاه )

عشان البنت صدت ,, تنقهر .. يا صاحبي وش فيك ؟

أنا قبلك , ولكن : قلت .. يا قلبي بلاش الآه

ليا من صد من تغليه راح يجيك من يغليــك

[مـــلاوح]

تذكر يوم أني ضقت وش كان دورك \\ خليتني وشلون أنا ما أخليك

[مـــلاوح]

يصير يعني نعيش ونظلم القلـب ؟ \\ وقــّف مع احساسك وقلي عـلامك ؟

عطني يمينك ويالله نكمل الدرب \\ دام الأمانـي لهــا دار بهيـامك

[مـــلاوح]

ان كنت بـتخونـّي .. أرجوك علمنـي \\ قبـل أنصدم في سماك , وبرقك , ورعدك


عشان ما أظلمك .. ولا أنت تظـلمني \\ ( أبذبحك يا الغلا وأموت من بعدك )

[مـــلاوح]

هذا الكلام أستنـّكـره منك بـ الذات \\ تكفى عشاني قول ماهو كلامك

قول أي شي .. أو .. ألتزم صمت واسكات \\ عشان يبقـى بالخفوق ( احترامك )

[مـــلاوح]

أدق .. وأنت مسكر ٍ تـلفـونك \\ حرقت قلبي من بعد غيبتك حرق

أنـا أحترق عشان خاطر عيونك \\ وأنت أتعمّـد غيبتك [ لاحظ الفرق ]

[مـــلاوح]

ماعاد يمديني وهي راحت لشخص ٍ غريب \\ صديت عنها يوم شفت أن القلوب استحت

حتى المكان اللي جمع أغلى حبيب بحبيب \\ أستغرب شلون الهنـوف اللي تحــب اجرحــت ؟؟

[مـــلاوح]

ياصاحبي كان الغياب اليوم لك طبع وسمه \\ أستأذنك من بعد أذنك حان وقتي للوداع


رحـّال رح علـّم عدوي و الليال المظلمه \\ إن الخطر مهما كبـر يفـر من وجه الشجاع

[مـــلاوح]

لو عشت عمري فقــر يازين ليل الفقـر \\ كن الأماني بعيني صرت مسئولهــا

صحيح ماني موظـف بس قلبي صخــر \\ الحاجه اللي يبيهـا القلب بيـطولها

[مـــلاوح]

من يكــّذب ما كسب كلمة شكـر \\ بالغلـط .. ياليت حنــّا نعتـرف

كلنـا نصطــاد بـالمــاي العـكــر \\ ودي أنوقــّف مع النفـس بشـرف

[مـــلاوح]

أنا معك للحيـن رجـال حالـم \\ إذا بـ تفقدني شعوري بـ تنلام

مظلومة ٍ عالم وتسكت .. وعالم \\ تستـانس اليا قالوا الناس : ظــلاّم

أبسألك مادمـت وياي ظالــم \\ شلون تقدر بيـن هـ العالم تنـام ؟

[مـــلاوح]

شف وين كنت وشفني الحين أنا ويـن \\ كن الحزن في دنيتي يحترينـي

غلطـان من كرّم مدينه لجل عيـن \\ الجرح ماجابه سوى العيــن فيـنـي !!

[مـــلاوح]

أنت تاكل ونفسك تشتهي اللي تبـي \\ وألا أنا يا صديقي من غداي لـ عشاي

( العبت فيني الدنيا ) .. وزول الظبي \\ دايم يخفف اهمومي ( لاضاقت معاي )

[مـــلاوح]

اتحبنـي وتقول أنا أكرّهك كره \\ ضيعتني مابيـن هذي وهذي

[مـــلاوح]

( بديت أغليـك ) ماودي أقول أني ( بديت أغليك ) \\ أخاف تصير في جوف الليالي نجمة ٍ ظلمـا

وصلك العلم .. أبيك أبيك .. أبيك أبيك .. أبيك أبيك \\ تخيـّل شاعرّك يبغاك من قلب ٍ ماهوب أعمـا

تعال أحسبهـا كم مره نطقت ( أبيك ) .. أنا شاريك \\ لذا أرجوك لاتحرم شفاهي عن شروب المـا

[مـــلاوح]

الصاحب اللي تعـدّى في حدود الكــلام \\ إن ماتسنـّع .. من لسـانــه بـ يكوى عـدل

اللي فقد لـه مقام يشوف مالـي مقـام \\ مايبخــس حقـوق عطـران الشـوارب رجـل

[نوف الخالدي]

كل عام وأنتم بخير

كل عام وأنتم الخير


عيدكم مبارك


وعساكم من عوادهـ




تتهادى لحظات الفرح بتسابيح العيد وبهجة الروح


هناك آخرين صنعوا هالة من الأفراح أدخلوا فيها أنفسهم


لكنهم أجادوا رسمه وأتقنوا فنّ نشره في من حولهم



لكم البياض والطهر أحبتي





:!:


:!: