عذبي آل شافعه
12-15-2008, 10:39 PM
في سنة 1995 كان الشاعر في المنطقه الغربيه في قرية تدعى ( بحره ) وكان في الحرس الوطني , وكان في منطقه تدعى ( أم السلم ) .. وهي تعد معسكراً للحرس الوطني آنذاك .. وكانوا أقارب الشاعر يأتون إليه من ( رنْيه , وبيشه , والإمارات ) ..
وبينما كان الشاعر جالس مع اقربائه ( يصلّح القهوه ) عاتبه أحد اقربائه وهو يقول ( انت عبدٍ خبل منت بـ ( إبن مهيد ولا انت بـ حاتم الطي ) جالس على درب هل المناطق وكل شخص يمر تكرمه ..
بكره بيفصلونك الحرس وانت رجّال في ذمتك حرمتين وعيالك معك كيف بتعيشهم .. ( كان عتب حنيّه ليس إلاّ ) في هذه اللحظه ( بدل ما يحط الهيل في الدلّة حطّه في إبريق الشاهي , وقالوا انت خرّبت القهوه )
( وراحوا الرياجيل ) وبعدها أتت هذه الأبيات :
سجه مع الهاجوس طبيعةٍ لي = طبيعةٍ باموت ما جزت عنها
أشكي على الخلاّق وارفع له يدي = لاكثرت الأفكار يفك منها
أمّا الكرم قد فاز به حاتم الطّي = حتّى الفرس من شان ضيفه طعنها
خلوني أكرم في حياتي وانا حي = ولامت مدري جثّتي من دفنها
خلقت في الدنيا وانا ما معي شي = وبروح منها ما معي شي منها
لا بد ما نرحل عن المزح والغي = ونسكن ديارٍ قبلنا من سكنها
مسكين ياللي تحسب الواجد شوي = العافيه لو تنشري وش ثمنها ..؟
يا جاهل الدنيا تراها كما الفي = ويا مخبل اللي في حياته أمنها
ان ناحرت لك قامت تروح وتجي = مثل الذلول اللي طويلٍ رسنها
وان دبّرت خلتك طايح ومرمي = وكم واحدٍ له حاجةٍ ما ضمنها
يالله عسى الحسنات تقضي على السي = لا قربوا للنفس ذرعة كفنها
الشاعر : البخيت ..
وبينما كان الشاعر جالس مع اقربائه ( يصلّح القهوه ) عاتبه أحد اقربائه وهو يقول ( انت عبدٍ خبل منت بـ ( إبن مهيد ولا انت بـ حاتم الطي ) جالس على درب هل المناطق وكل شخص يمر تكرمه ..
بكره بيفصلونك الحرس وانت رجّال في ذمتك حرمتين وعيالك معك كيف بتعيشهم .. ( كان عتب حنيّه ليس إلاّ ) في هذه اللحظه ( بدل ما يحط الهيل في الدلّة حطّه في إبريق الشاهي , وقالوا انت خرّبت القهوه )
( وراحوا الرياجيل ) وبعدها أتت هذه الأبيات :
سجه مع الهاجوس طبيعةٍ لي = طبيعةٍ باموت ما جزت عنها
أشكي على الخلاّق وارفع له يدي = لاكثرت الأفكار يفك منها
أمّا الكرم قد فاز به حاتم الطّي = حتّى الفرس من شان ضيفه طعنها
خلوني أكرم في حياتي وانا حي = ولامت مدري جثّتي من دفنها
خلقت في الدنيا وانا ما معي شي = وبروح منها ما معي شي منها
لا بد ما نرحل عن المزح والغي = ونسكن ديارٍ قبلنا من سكنها
مسكين ياللي تحسب الواجد شوي = العافيه لو تنشري وش ثمنها ..؟
يا جاهل الدنيا تراها كما الفي = ويا مخبل اللي في حياته أمنها
ان ناحرت لك قامت تروح وتجي = مثل الذلول اللي طويلٍ رسنها
وان دبّرت خلتك طايح ومرمي = وكم واحدٍ له حاجةٍ ما ضمنها
يالله عسى الحسنات تقضي على السي = لا قربوا للنفس ذرعة كفنها
الشاعر : البخيت ..