قبيلة وشعراء ... !!!

[نوف الخالدي]

... بسم الله الرحمن الرحيم ...


للشعر مساحه واسعه في قلوبنا وداخل نفوسنا لا نستطيع الخروج منها وبما أن المنتدى اكثره شعراء حبيت
اطرح لكم فكري هنا .. ممكن أي شخص من الاعضاء يدخل هنا يتكلم عن قبيله معينه ويكتب عنها نبذه
بسيطه ويتكلم عن شعرائها المعروفين ولايهونون الباقين ...

وبمااني من هذه القبيلة سـ أكتب عنها

واتمنى يعجبكم الطرح تقبلوا مني –

نبذه عن ..

(( قبيلة بني خالد))

سبب التسمية نسبه الى الصحابي الجليل سيف الله المسلول خالد بن الوليد بن المغيرة بن عبدالله بن

عمرو بن مخزوم بن يقظة بن مرة بن كعب بن لؤي بن غالب بن فهر بن مالك بن النضر بن كنانة بن خزيمة

بن مدركة بن إلياس بن مضر بن نزار بن معد بن عدنان وعدنان من ذرية اسماعيل بن ابراهيم الذي ينتهي

نسبه إلى فالغ بن عابر بن شالخ بن أرفخشذ بن سام من ذرية ادم عليه السلام.


((تنقسم القبيلة الى ثلاثة اقسام))


القسم الأول:- يتّصل نسبهم بسليمان بن خالد بن الوليد وهو اكبر احفاد سيف الله المسلول خالد المذكور.

رضي الله عنه وعن والده

القسم الثاني:- يتّصل نسبهم بعبدالرحمن بن خالد بن الوليد. رضي الله عنه وعن والده


القسم الثالث:- يتّصل نسبهم بالمهاجر بن خالد بن الوليد. رضي الله عنه وعن والده


...

هنا نذكر بعض شعراء القبيله المعروفين من رواد الشعر النبطي ومن الجيل الحديث والمعاصرين, وبعض

قصائدهم

وقد أكون مقصره في أسماء بعض الشعراء لكن المعذره والسموحه فلا يمكن تغطيّة كل الشعـــــــــــــــراء

بهذا المبحث

لكن هذا مانتج عنه بحثي البسيط اتمنى يحوز على اعجابكم ..

ومن رواد الشعر السلطان مقرن بن اجود بن زامل الملقب (بالملك الشهيد سيد عربان الشرق)والمقتول

عام 927 للهجرة في معارك جزر اوال ضد النصارى البرتغاليين على سواحل الخليج العربي

وأشهر ماله قصيدته التي القاها على الحجيج فوق جبل عرفات

عندما بلغ الامير مقرن عن مهاجمة الاصاطيل البرتغالية للسواحل العربية على الخليج العربي كان أنذاك

الامير في مكة لأداء فريضة الحج , فبلغة الامر في يوم الحج الاكبر يوم عرفة , عند ذلك وقف الامير مقرن

امام جموع الحجيج وارتجل هذه الباذخة الرائعة لاستنهاض الهمم بعد ان رما لباس الاحرام ولبس لئمة

الحرب وذلك لتبيان اهمية الامر وأهمية رد البرتغاليين عن ديار الاسلام فرحمه الله رحمةً واسعة وجعل مثواه

الفردوس الاعلى

يقول رحمه الله تعالى :

1. اي خطب في حمانا اليوم حـل=ودهى الاسـلام فيمـا قـد نـز ل
2. والنصارى بسفينـن مخـروا=بحرنـا ماخشـوا بـاس الــدول
3. سفنـن قـد طوقتنـا وبـهـا=كـل علـج حاقـد عـات ثـمـل
4. اقبلوا للسلـب والنهـب ومـا=ضمـت الارض متاعـا وخــول
5. طمعوا فيما دنـا او مـا نـأى=في ربوع السهل او اعلـى الجبـل
6. مكـروا لاتأمـنـوا مابيـتـوا=فلهـم وثبتـهـم مـثـل الثـعـل
7. قادة الاسـلام هبـوا وانفـروا=واستعـدوا انمـا الامـر جـلـل
8. ان تثاقلتـم فقـد ذل الــذي=قبـل الضيـم وللبـغـي امتـثـل
9. اذكـروا اندلـسـا مانابـهـا=ان ونينا حل فينـا كـل هـول 7
10. وحدو الصـف ولا تختلفـوا=ودعوا الفرقة تنجـوا مـن زلـل
11. ينصـر الله عبـادا صدقـوا=وتـنـادوا لجـهـادن وعـمــل
12. اي دنيا اتعبـت مـن قبلنـا=ومضوا والنجـم منهـم قـد افـل
13. انما مـروا كاحـلام الكـرى=كـل حـي سـوف ياتيـه الاجـل
14. شمر المحتاج عـن ساعـده=فـي عتـو لـم يسـاوره وجـل
15. شاحب اللـون كذئـب فاتـك=عابـس الوجـه اذا انقـض قتـل
16. قـادة الاسـلام مـن ينقذنـا=مـن عدانـا ان تولانـا الكـسـل
17. جاهدوا تنتصروا او تكسبـوا=جنـة الخلـد ومـن يقـدم ينـل
18. سمـة الوثبـة فـي وثبتـه=واثـق العزمـة مـقـدام بـطـل
19. حطموا غلواء عـات فاجـر=دمـروا الاسطـول منـه والدقـل
20. انقذوا ساحتكم مـن بطشـه=يبتغـي ساحلـنـا فــي امــل
21. اين فرسان بـلادن كرمـت=بهـدى الله وعـافـت كــل ذل
22. يابني الازد ومن فـي مكـة=يابنـي يثـرب لبـوا مـن سئـل
23. اين من في الشام وفي دجلـة=اين من بالهنـد فـي كـل الـدول
24. من بني الاسلام من كل فتـى=عــرف الله ولـبـى وامتـثـل
25. او ترضوا هوانـا سارعـوا=وانقذوا استفحـل الخطـب وجـل
26. مالـذي حـل ذهـول بابكـم=لن ينال النصر يومـا مـن غفـل
27. امة الكفـر تداعـت تبتغـي=كل ماطـاب مـن المـال وجـل 9
28. الايامـى صرخـت تدعوكـم=انمـا النجـدة مـن فعـل البطـل
29. فدعوا الخوف وهبوا واحفظوا=امـة الاسـلام ممـا قـد حصـل
30. انلبـي ببكـا هلـع فلـقـد=ادمــى البـكـا كــل المـقـل
31. واذكروا يوكـم هـذا الـذي=كل من جـاء الـى البيـت امتثـل
32. عرفات ضمت الركـب وفـي=حـرم الله تـنـادوا للعـمـل 10
33. اذكروا العزة واحموا داركـم=انمـا العـزة عـنـوان الــدول
34. يعرف المؤمن ان عـز وان=جاهـد الكفـر وبالنصـر احتفـل
35. انقذوا ساحتكم مـن بطشـه=يبتغـي ساحلـنـا فيـمـا امــل
36. ان غدوتم ان الوفا مصرخـي=او توانيتـم فقـد حـل الـذهـل
37. مربط الاسـلام فيمـا بيننـا=والوفي السمح ان اعطى عـدل11
38. ندفع الكفـر وفـي ارباضنـا=فـي الموانـي نابنـا مـن جلـل
39. فاخـاء الديـن فيمـا بيننـا=ان تنادينـا بــه امــر جـثـل
40. انتم عون لنـا فيمـا بيننـا=وتراخيكـم بـه جـبـن وغــل
41. اين مصر اين سودان فهـل=اقبلوا فـي نجـدة فالامـر جلـل
42. قد تركنا قومنا * في مـأزق=يصطلون النـار فيمـا قـد نـزل
43. مالذي نحصـده مـن غفلـة=شانهـا مابيـن ليـت او لـعـل
44. ترأب الاسلام مـن صدعتـه=ولكـم فـي فرقـة حـل الوجـل
45. اقبلوا في فيلق يطوي الدنـا=بكمـاة بـهـم ســار المـثـل
46. كلهم فارس حرب في الوغى=يبتغي المـوت ولا يغشـى الاجـل
47. فهلمـوا لجـنـان وعــدت=للـذي خـاض جهـادا وعـمـل
48. هل حياة في ركـود ترتجـى=كـبـرت ايامـهـا او تضحـمـل
49. واذكروا وقفتكم في عرضـه=قد سئمناهـا كمـا سـاء المطـل
50. انجدونا نجـدة فـي غـارة=ننزع النصـر ولا نخشـى الزلـل
51. اترى تخذلكـم مـن كاعـب=حظـوة تختـال فــي قــد ودل
52. شمروا ويحكم عـن ساعـد=وليكـن ازركـم نـعـم المـثـل
53. لاينـال الاجـر الا بـاسـل=ليس يرضى وقفـة فيهـا خطـل
54. انتم قد عرفتم فـي الوغـى=سـادة الحـرب ولا ترضـون ذل
55. يتحدى الخصم فـي هجعتـه=كـل حـر يعربـي حيـث حــل
56. ان توحدنـا انتصـرنـا واذا=ما افترقنـا لـم نجـد الا الفشـل
57. قادة الحـرب ومـن غيركـم=يقحـم الهـول لتحقيـق الامــل


ومما قيل في رثاءه بعد إستشهاده رحمه الله تعالى


1. قد يعذب الدهـر لكـن كـل عجـب=فـان صفـا وحـلا ازرت بـه النـوب
2. ايامـه ربمـا الـفـت ببسمتـهـا=لكـن بطياتهـا قـد يكمـن الـوصـب
3. تغـر حينـا بحـالات تمـر بـنـا=وقـد يسـر بهـا نــاء ومغـتـرب
4. وقد نعيش بهـا الايـام فـي رغـد=وفـي نهاياتهـا قـد هيمـن التـعـب
5. ويستبـد صـراع عاصـف ابــدا=ان سـر يومـا تـلاه القهـر والغلـب
6. نمضـي وايامنـا حلـم يطاولـنـا=ونستفيـق ولـكـن حيثـمـا نـثـب
7. صـرف الزمـان اذا بتنـا نجالـده=راحـت تجاذينـا الغـارات والحـلـب
8. والعمر يغلو وقد نسخو بـه شرفـا=يـوم الجهـاد لامــر الله نحتـسـب
9. قد كدت اغشى فيال الهول من نبـاء=يبكـي ويدمـي وفـي طياتـه العجـب
10. ينساب في القلب مثل السهم انفذه=عات فبـات كسهـم المـوت ينسـرب
11. فاين مقرن مـن عـزت شمائلـه=ايـن الكرامـة ايـن الجـود ينسكـب
12. اين البسالة في الميـدان عارمـة=هيهـات يثنيـه عمـا يبتغـي كــرب
13. الصبر شيمته فـي كـل معتـرك=والحلـم ديدنـه انـى بــدا الطـلـب
14. ولا يهاب الوغى قد عاش فارسها=فـي كفـه صـارم فـي حــده اللهب
15. كم جندل الكفر لايخشى ضراوتهـم=لكـن اتـى قـدر الرحمـن ينتـصـب
16. تبا لدنيا ومـا تحويـه مـن كـدر=لـم القتـال وعمـار الـدنـا خــرب
17. اقول يـا اسفـي ناسـى لسالفـة=بهـا فـراق احبـاء لـنـا غـربـوا
18. هم , من هـم فـاراس منتصـب=ونحن من نحن نحن الكـف والعصـب
19. لهفي على فارس من نبتة كرمـت=فيها البسالـة فيهـا الاصـل والحسـب
20. ذلت له في الوغى الاعناق وانكفأت=روم واسطولهـم فـي لـجـة خــرب
21. تبكـي عقيـل وعبـدى بطولتـه=يبكيـه صارمـه والجحـفـل اللـحـب
22. تبكيه هجر ونجد طالمـا شهـدت=افعالـه كـيـف لاتبـكـي وتنتـحـب
23. من ذا يدافع عن هجـر فـان لـه=مواقفـا جمـة يزهـو بـهـا اللـغـب
24. ومن يذود عن الاوطان كـان لهـا=مع مقرن سطوة مهمـا عتـا الرعـب
25. وكان للدين سيفـا مـن يطاولـه=ارواه فـي وثبـة كاللـيـث اذ يـثـب
26. الامن اين حيـاة الامـن تشهدهـا=(مخزوم)1 مـن بعـده فالامـن مضطـرب
27. صفات مقرن تنبي عـن مكانتـه=الجـود والحلـم والاقـدام والحـسـب
28. وهو الشهيد جنان الخلـد مرتعـه=وذكـره عاطـر مـا كـرت الحـقـب
1-مخزوم : قبائل بني خالد المخزومية حيث يرثيه الشاعر لقبائل مخزوم القرشيّة


الشاعر الأمير قطن بن قطن بن هلال الجبري الخالدي من رواد الشعر النبطي ولعل أشهر قصائدة

قطن بن قطن . . شاعر علم من قدماء شعراء النبط . . عاش ما بين القرن التاسع والعاشر الهجري . . ذكره

(عبدالله الخالد الحاتم) في كتابه وقال : هو من أمراء عُمان وشعرائها. ويؤيد ذلك ما ذهب غليه عبدالله بن

خميس :


هو الشاعر قطن أو والده قطن بن قطن بن علي بن هلال بن سيف بن زامل العقيلي الجبري الخالدي. وقد

جاء عند السيابي في أحداث سنة1026ه أن قطن أو والده قطن بن قطن من أهل القرن العاشر الهجري،

وان مكان تواجدهم ببادية الشمال أي شمال عمان، وقد أورد السيابي بعض الأحداث التي ترصد تواجدهم

في منح وصحراء يبرين.

سار شعره على الطريقة القديمة لنظم الشعر النبطي . . طريقة بني هلال . . وهو من شعراء الفترة التي

تليهم ويعتبر شعره امتداداً للشعر الهلالي القديم حيث تأتي القصيدة مهملة القافية الأولى وملتزمة

بالقافية الثانية شاملة بأغراضها لأكثر من غرض كقول شاعرنا بإحدى قصائده وقد أرسلها إلى الشاعر (أبو

محمد بن بسام) مشحونة بالألغاز ، ويرى عبدالله بن خميس ، انها أقدم نص شعري بدوي شحن بالألغاز ،

يقول شاعرنا قطن.

يا بـو محمـد لا فجتـك مصيبـه =طول الزمان برغـدٍ ماريـت شـر
يا مـن علـى كـل البرايـا بيّـنو=على جميع الخلق بالعلم اشتهـر
فضايلـه بيـن المـلا مشهـورة=عصر الصبا وخلاف ما بيض الشعر
تبين لـي طـاريٍ طرالـي ظاهـر=عسرٍ ولو ينشر على كـل البشـر
انشدك عـن انثـا تعاشـر مالهـا=ذكر يجيها واصل مـا تلـد الذكـر
وانثـا لا تضنـا ولا يضنـا بهـا=طول الزمان ولبسها ثـوبٍ حمـر
وانشدك عن انثـا وهـي سيـاره=دليلها مـع دربهـا طـول العمـر
وانثا تسير بغيـر ارض ولا سمـا=مسيرها دب الدهر علـى الظهـر
وأنشدك عن انثـا وهـي شباحـه=تأكل ولاتشرب وتنكح مـن وخـر
وأنثا وأربعـة لهـا فـي حسبـه=يا نعم من هي له تكـون المتجـر
وأنشدك عن أنثـا حديـد شوفهـا=تمشي وبيانها ثـلاث فـي سطـر
وأنشدك عـن أنثـا توكـل حلـوة=في بطنها أنثى وفي الأنثـى ذكـر
وأنشدك عن أنثـا تناكـح زوجهـا=الي تعبت الأنثى فقـد لقـح الذكـر
واناثـي لـهـن فـضـل نـعـم=في محكم التنزيـل حلـوات الثمـر
واناثـي مختلـفـات اسمـاهـن=سبع ويتبع كل وحده منهـن ذكـر
وأنشدك عن سـود حـلال اكلهـن=وامثالهـن بيـض حـرام للبشـر
وأنشدك عـن شـي طويـل نافـع=وللناس نفعه بين مـا بـه غتـر
هجره عن الضرب الكثيـر يضـره=ولو يضربونه جملة الناس اعتمـر
وأنشدك عـن ذكـر قليـل نفعـه=وخيار نفعه حيـن ينهـل المطـر
وأنشدك عن ذكـر بعمـر قاصـر=بالحـد قاطـع ومسمـور القعـر
وأنشدك عن ذكرين باسـم واحـد=فارقهم الذكـر الطويـل المشتهـر
وأنشدك عن ذكر يدور على المـلا=بالسمـع يذكـر ولا يعطـي خبـر
الى أخر القصيده

\
\



يتبع

.

:!:

[نوف الخالدي]

وقد أجابه (أبو محمد بن بسام) بقصيدة حل بها الغازه يقول من ضمنها:
يـا راكـبٍ مـن عندنـا منجـوبـة=من ساس هجنٍ كنهـا ظبـيٍ عفـر
قـوداء هميـمٍ مـن بنـات عثافـر=مامونـةٍ ذا تـو فاطـرهـا فـطـر
سرهـا رعـاك الله يــومٍ كـامـل=ثم اسقها تالي النهـار مـن الحفـر
فالى لفيـت وجيـت صـوب قبيلـه=ترعى نبات الارض مختلـف الزهـر
سلـم عليهـم لا لفـيـت بظلـهـم=من غايبٍ منهم ومن هو قـد حضـر
اختـص لـي قطـن بـرد التحـيـة=ذبـاح للخطـار نابـيـت الظـهـر
قلـه لفانـي مـن قبالـك صـايـب=عسرٍ ولالـي عـن مقاضاتـه مفـر
نشرتـهـا للعالمـيـن بمـعـرفـة=واطلقتها طلق الشديـد مـن الوسـر
تنشدنـي عـن انثـا تعاشـر مالهـا=ذكر يجيها واصـل مـا تلـد الذكـر
هـذا عقـاب الطيـر كلـه إنـاثـي=ولا تستحظـه بالتساقـي ذا الخـبـر
وانثـا لا تضنـا ولا ينضنـا بـهـا=طول الزمان ولباسهـا ثـوبٍ الحمـر
هذيك هي انثـا علـى وقـت الحيـا=حمرا وتسمـى عندنـا بنـت المطـر
وتنشدني عـن انثـا وهـو سيـاره=ودليلهـا مـع دربهـا طـول الدهـر
ذيـك العيـون المبصـرات بشوفهـا=الشمـس بالممشـى يتاليهـا القمـر
وانثـا تسيـر بغيـر ارض ولا سمـا=مسيرهـا دب الدهـر علـى الظهـر
هذيـك بالبحـر العمـيـق سفيـنـه=دليلـهـا دايــم مـقـره بالتـفـر
وتنشدني وأنشدك عن انثا وهي شباحه=تأكل ولاتشـرب وتنكـح مـن وخـر
هذيـك فـي كـل الديـار امقيـمـة=وهي الرحا عنـد البـوادي والحضـر
وأنثـا وأربعـة لهـا فـي حسـبـه=يا نعم من هي لـه تكـون المتجـر
هذيـك الكعبـة وذيــك اركانـهـا=ركنيـن والركـن اليمانـي والحجـر
وتنشدني عـن أنثـا حديـد شوفهـا=تمشـي وبيانهـا ثـلاث فـي سطـر
هذيك هي جـوزاء النجـوم الحسبـه=يمشـن طـول الدهرزينـات النظـر
وتنشدنـي عـن أنثـا توكـل حلـوة=في بطنها أنثـى وفـي الأنثـى ذكـر
هذيـك عنـد أهـل القرايـا خوخـة=وهي أول الاشجـار تفلـق بالزهـر
وتنشدني عـن أنثـا تناكـح زوجهـا=الي تعبت الأنثـى فقـد لقـح الذكـر
هذيـك هـي أنثـا تخـض اسقاقهـا=والزبده البيضـاء الـي درت النظـر
وانـاثـي لـهـن فـضـل نـعــم=في محكـم التنزيـل حلـوات الثمـر
هذيـك رمانـه وذيـك اغصانـهـا=والنخل فضلـه الالـه علـى الثمـر
وانـاثـي مختلـفـة اسـمـاهـن=سبع ويتبع كل وحـده منهـن ذكـر
هذيك ليالي الاسبـوع كلهـا اناثـي=يتبعهن أبيض النهـار وهـو الذكـر
وايضـا ثلاثـيـن حــلال كلـهـن=وامثالهـن بيـض حـرام للبـشـر
هــذاك شـهـر فـيـه مـحـرم=كـل النهـار ويحـل بالليـل الفطـر
وتنشدني عـن شـي طويـل نافـع=وللناس نفعـه بيـن مـا بـه غتـر
هجره عن الضـرب الكثيـر يضـره=ولو يضربونه جملة النـاس اعتمـر
هــذاك الــدرب عـلـم وبـيـن=وهو الدليل الـي الدليـل قـد أبتهـر
وتنشدنـي عـن ذكـر قليـل نفعـه=وخيـار نفعـه حيـن ينهـل المطـر
هـذاك مـرزام السطـوح حمـايـل=مـا ينفـع الاحيـن ينهـل المـطـر
وتنشدني عـن ذكـر يسيـر مكلـف=وان قطع رأسه فـي كلامـه استمـر
ذاك القلـم يعـبـاه كــل مـطـوع=لا تاجـر يـوم ولا يــوم افتـقـر
وتنشدني عـن ذكـر بعمـر قاصـر=بالحـد قاطـع ومسـمـور القـعـر
هـذاك يوجـد عنـد كـل محـسـن=الا وهو مـوس يحـت بـه الشعـر
وتنشدني عن ذكريـن باسـم واحـد=فارقهـم الذكـر الطويـل المشتهـر
ذوليك همـا النسريـن باسـم واحـد=فارقهـم الذكـر الطويـل هوالمجـر
وتنشدني عن ذكر يدور علـى المـلا=بالسمـع يذكـر ولا يعطـي خـبـر
هـذاك كـان انـي فهـم وعـارف=وأن كان لـي ظـن فهـذاك الدهـر
وتنشدني عـن رجـل تـزوج انثـى=بكر قضا بعض المـلا منهـا وطـر
ما عندهـم جـان ولا انـس حضـر=فزواجهـم هـذا يكـون مـن العبـر
هـذاك الرشـول الله تـزوج زينـب=عقدهـم عنـد الالـه بـلا مـهـر
وتنشدني عـن ذكـر شديـد باسـه=يمضي جهـار ولا عنـده رد القـدر
هذاك ملـك المـوت يشـرب كاسـه=من طال عمره بالحياة ومـن قصـر
واخلا فـذا خمسـة أو ستـة نامـوا=ونومتهم لـذة علـى طـول الدهـر
ذولاك أهل الكهف الذي يوصف بهـم=صبروا وخير الله قريب لمـن صبـر
واخـلا فـذا ذكـر منازلـه الـفـلا=طبيعه الـي مانـوا النومـي سمـر
هـذاك الفهـد الـذي يقنـص بــه=للصيـد لاتزعـل عليـه ولـو كثـر
وأنشدك حيـث انـك فهيـم عـارف=عن وزن رطـل لا حديـد ولا حجـر
ينقـل الـوف مـا بعـد حسابـهـا=الاولـى العـرش خـلاف البـشـر
فان عجـزت ولا عرفـت أو صـف=فانشد عني حيث اني بذا عندي خبـر
ثـم الصـلاة علـى النبـي محـمـد=مـالاح بـرق سـحـاب واستـمـر
ولكن من هو ابو محمد بن بسام :
وضع قطن بن قطن وهو من امراء عمان قصيدته وتحدى ان يوجد من يحل الألغاز بها
فلم يستطع أحد من أهالي عمان حلها فظل يتحدى بها شعار تلك البلاد وكلما حل عنده ضيف عرضها عليه وطلب منه معرفة ألغازها وذات يوم نزل عنده ضيف من أهالي القصيم فلما عرضها عليه اعتذر لعدم معرفته للشعر والألغاز لكنه ذكر له شاعر بن بسام من أهالي عنيزة وقال أن ذالك الشاعر يحلها ببساطة لطول باعه في معرفته الشعر وغوامضه0 وبعد ان تأكد قطن من صحة كلام ضيفه طلب منه وصف المدينة عنيزة وطريقها وبعث نجابا خبير بالطرق ومجاهل المفازات فلما وصل الي دار ابن بسام لم يجده حاضر بل وجد ابنه (محمد) وظن انه هو المعني فسلمه القصيدة وأفهمه انه لا يستطيع البقاء أكثر من ساعة كتعليمات الأمير فتناولها الابن و أخذ في الرد عليها فلما أتمها فاذا بوالده قد حضر فعرضها عليه فقال الولد ما قلته هو الصواب فسلم الرسول الكتاب بعد أن اكرمه بما بما يجب وذيل الحل بلغز فلم يفهم الأمير (قطن) مع طول باعه في معرفته الألغاز ما عنيه بن بسام ، فلما مضى عليه سنوات لم يتوفق الي حله سافر حاجا الي بيت الله الحرم فبينما هو سائر في الطريق اذ شاهد (قنفذا) فقال هذا الذي الغز فيه محمد بن بسام وانه غير موجود في بلادنا .

شاعر الاحساء وشاعر بني خالد مهنّا ابو عنقا نختار أبرز قصائدة القصيدة التي حررت الاحساء
نقف أمام قصيدة نبطية قالها شاعر بني خالد الكبير (( مهنا أبو عنقاء )) عندما استولى الأتراك على الأحساء - بعد سقوط الدولة السعودية الأولى على يد إبراهيم باشا عام 1234 هـ ، والتي شحذ فيها همم بني خالد وطلب منهم في مضمونها العودة من الشمال إلى بلدهم الاحساء وطرد الترك عنها - الذي زجوا به في السجن خوفاً من قصائده التي تثير بني خالد ضدهم وفعلاً حدث ما توقعه الأتراك فقد قال (( مهنا أبو عنقاء )) قصيدته التي سنوردها تبعاً في مقالنا هذا وهو في السجن بالاحساء وأعطاها لزوجته التي كانت تحضر له الطعام في موقع سجنه ووصف لها مكان مال عنده مخبئاً وأمرها أن تؤجر من يوصل القصيدة إلى (( آل عريعر )) في الشمال وتعطيه أجرته من المال الذي دلها على مكانه - وفعلاً عملت الزوجة كما أمرها شاعرنا ووصلت القصيدة إلى آل عريعر وجموع بني خالد في الشمال وهي القصيدة (3) التي قالها مهنا أبو عنقاء على النحو الآتي .
وعوجوا رؤوس عيرات خفاف = هجاهيج سليمات الخفافِ
على وادي عذيب لي أربطوا = أحملكم سلام للسنافي
سلام فيه لفظ من أديب = سبك نظمه بعيدات القوافي
إلى القنديل هباس المسمى = بعيد الذكر (( سعدون )) المكافي (4)
فدار العز ما عنها مقام = ولو كاس الحمام بها يدافِ
ولا شر بغير الشر ضر = ولا سيف بغير السو كافي
الا واشيب عيني واعناها = أثرها عقب أخو (( داحس )) عوافي
غدوا هبس وراحوا شوف عيني = وصارت عقب أخو داحس مقافي
ألا بالغير ما تنفاج يوم = يشوف اللي جرى القرم السنافي
يشوف الهريلبس جلد نمر = وصار النمر الهرهافي
وصار دجاجها عقب الحرار = مناقيره من البولاد صافي
فليتك ياصليبيي لرأي حي = ولا شفنا بهجر ذا الكسافي
لقد متنا ومات الخلق كله = وبين الحضر والبدو أختلافي (5)
وكثر الظلم من ذولا وذولا = ولا أدري أي هذا والعوافي
فليت الموت يأخذ ألف شيخ = وبعده ألف ألف مع آلافِ
مضى هذا وسرها يا رسول = شمال عجلة كان كنت شافي
إلى (( سعدون - ودجين - وداحس =- وزيد )) مسقي الضد العزافي(6)
وقل (( لمحمد وأخوة لماجد )) = ترى هجر بكى وأنتم مقافي(7)
وعبدالمحسن الحر القطام = وبندر حيث أخو جهجاه يافي
وقل للشيخ أبو مشري ومشري = بعيد الذكر نزال الشعافي
وخالد والعميري والشواوي = وخص نقاله الحدب الرهافي
قل وين أهلك عطيوا نخيل = وأيضاً للذهب غالي الطرافِ
وسيعين الهوايا بالمناسف = هل الشيلان والجوخ النظاف
وصقر وخص لي أولاد مفلح = جميع كلهم تقبل حوافي
إلى ما جيت هذولا وذولا = فقل النخل زين الخوافي
وأنتم تتبعون هوا النياق = تقولون انهن هزلا ضعاف
وديرتكم عزيزة بالنشامى = تركتوها وراكم من خلاف
فأين الشيمة اللي قيل فيكم = ولبس للمصاريد الرصاف
وطعن الخيل في دار المعادي = وعن دار الندا تعطون قافي
وما منكم احد يقضي الحسايف = = فهبيتوا عساكم للذلاف
فان كان انكم تجار هرج= وشرب حليب زينات الشعاف
وهذر بالمجالس من بعيد = وخبط بالمطارق بالرفاف
وهجر ما تجيكم بالحكايا = ودفع خطوطكم مع كل لافي
يبي قطم الجموع وضرب سيف = وضرب للجماجم تدعى شظاف
ففيكم (( عرعر )) شمس وغابت = ومسرج عزكم يا هبس طافي
أجل ما دون هجر اليوم ذخر = فهو شوا كلكم هوش يشاف
فينصركم ويكره كل باغي =على ما قيل لطف الله خافي
فإن كان أنكم نوما جميع =فليت أن واحد ما هوب غافي
وسوقوا جربكم لا بارك الله= بها لم الحسا كود توافي
فان كان انكم هبتوا بناها = فشوري أن تعافكم العظافي
ولا تفرش لكم زل الزوالي = ولا تبرك لكم لوهي ظراف
ولا تلوون مجدول العذارى = ويحرم شربكم ذيك الرهافي
وتنحرموا الدواشق والزوالي = وعيفوا هرج ذوليك العطاف
وأنا لولاي مملوك لغيري= عنيت وجيتكم لو كنت حافي
ولكني كما القنفذ بخطة =ولو هو شاف منها ما يعاف
بهجر هجرت رجلي وزندي = وشربت المر هو ويا العزافي
وهذا قول من شفق عليكم = وجيع الكبد ملوي الكتاف
صديق صادق صاح عديم =تكلف بالقوافي للملافي
عشير أن بغيتوني عشير =وعبد وافي ما نيب هافي
وعيشوا وأفهمو قول العناقي =نقي العرض ماداس الخلاف
والا فاذلفوا يم الشمال = بحراذين مقاصيدٍ ضعاف
وصلى الله على سيد قريش =عدد ساع سعا واحرم وطافي
وعندما وصلت قصيدة مهنا أبو عنقاء إلى آل عريعر في الشمال عادوا بجموعهم من بني خالد واستردوا أملاكهم بعد ما اخرجوا الدولة العثمانية من منطقة الاحساء - وقضوا على ولاتها من العثمانيين الذين تولوا السلطة في المنطقة بعد سقوط الدولة السعودية الأولى وهذه من القصائد التي دونت بعضاً من وقائع تاريخ الجزيرة والخليج العربي

[نوف الخالدي]

ومن الجيل الحديث
الشاعر :سعد بن راشد القاطع الخالدي.رحمه الله
واحد من اكبر شعراء بني خالد ويعتبر شاعر عنك الاول ومن فحول الشعر ويوجد له العديد من المحاورات والمساجلات
جادت قريحة الشاعر بهذه القصيده عندما زار منازل ربعه وجماعته فوجدها خاليه ولم تعود كما كانت من ذي قبل فيقول رحمه الله


ياسامعين القـول صلـو علـى النبـيواوحـوا تماثيـل عزلنـا لحونـهـا
تماثيـل ناقيهـا علـى شـف بالـيكما راعي الدانـات ينظـر وُزونهـا
كما راعـي الدانـات ينظـر وينتقـييـذل يدغشهـا بشـي(ن) يخونـهـا
انـا ماهقيـت ان المثـايـل تقلـنـيلاشك الهمـوم تكـدر البـال دونهـا
قليـل الهمـوم بلـذة النـوم يهتـنـيوبه ناس من همهم سهـارى عيونهـا
سهارى بمن وهمهم صحبـة الـردىيبـون المراجـل جعلهـم يدركونهـا
حـلاة الولـد دام الليالـي مسـاعـدهتمر جال نفسـه قبـل بقعـا تخونهـا
في لطمة العايل وبالصـدق والصخـاوفي ربعـه مايقحـم البـاب دونهـا
ذي لـذة الدنيـا وجـنـة نعيمـهـالاصار ربعـك كـل يـوم يجونهـا
يوم اللاش والدلباج واللي كمـا المـرهطربهـا ووناستهـا بترسـة بطونهـا
لاهـي بلاتحلـب ولاهـي بتجـلـبحمير(ن) حلاة سروجها فـي متونهـا
عساهـا المحـل لاعمـر الله دارهـاعسى ماوراها زامي(ن) حـال دونهـا
بديـت الطويلـه لاسقـى الله مجيهـاوانا داله(ن) قبل اعتلي فـي ركونهـا
حصل سبب مبداه ماحـس خاطـريرمع بالضماير ليـن كثـر اشطونهـا
ذلْـيّ منـازل ربعنـا اللـي نودهـمخـلايـا ولا ضنيتـهـم ينزلونـهـا
مافايتـيـن للمـرابـيـع قـدامـنـاولانرتجيهـم مقـبـلات اضعونـهـا
تذكرتهـم وهلـت اعيونـي اعبارهـاهماليل ليـن العيـن يبسـت اشنونهـا
قم يانديبي هات واختـر مـن النضـاحمرا يشـوق العيـن فعلـه ولونهـا
حايل ثمـان سنيـن ماجابـت النمـاعقـب العسافـه حيثهـم يركبونـهـا
نحرها كما الباب وكما القوس زودهـااجلال(ن) مناكبهـا وسـاع ازغونهـا
كما السطح مردفهـا اكبـار فخوذهـاشليل يجـي متريـن ويشـف دونهـا
جتنـا وجبنـا كـل ماكـان نالـهـاشكل النضا اللي زاهي(ن) في فنونهـا
عليها شجاع حيـن ماركـب كورهـازجرهـا وخلاهـا تزايـد جنونـهـا
عسى اللي عطاناهـا يسمـح دربهـالينه تجـي اللـي لالفـت يكرمونهـا
تجي لنا ربعنا هل الصـدق والصخـانشامـى فنـون المرجلـه يتبعونهـا
سلامي عليهـم كـل ابوهـم بلاعـددعلى الطيبيـن ويخصرالـلاش دونهـا
حنا نسايـل عنهـم كـل مـن لفـىنقول الرفاقه ذيـك وش رنـق لونهـا
عساهـم بخيـر وصالحـات احوالهـمولابـان فيهـم خلـة(ن) يشتكونهـا
ان سايلـو عنـا بحـال(ن) تسرهـمفـي حالتـن ياليتهـم ينضرونـهـأ
مساييـر مـن هـذا لهـذا وسـجـهوفي عشب ريضان(ن) اطوال اغصونها
تقـول ارتـوازي كـل يـوم يعلهـاصدوق(ن) من المنشى ثقـال مزونهـا
بمروبعـات يعجـب العيـن بنيـهـاومخومسـات بالعـمـد يرفعونـهـا
لاجا نهـار الهيـف تفتـق ارفافهـامن شـان هشـان الخلـى يدهلونهـا
وان مـدد العسـاس خطـوات بقعـاعقب المضحـى ردت الزمـل دونهـا
طوينـا ومدينـا وققدنـا اضعـونـانبي هجـال(ن) حلـوة(ن) يذكرونهـا
نزلنا وشبينـا مـن الرمـث ضونـاببـلاش ياللـي ناركـم تشترونـهـا
هـذي نقلطهـا وهــذي نصبـهـاوهذي على جمر(ن)حمـر يشعلونهـا
واليا لفانا سنافـي(ن) عقـب غربـهنذبح هرافي كاسيـات(ن) اصحونهـا
ماننحـر القصـاب ونجيـب ربعـهالا ارباع ىهـذي ربعنـا مايبونهـا
نفعل ويفعـل راعـي الطيـب مثلنـاوالانـذال لاتـكـرم ولايكرمونـهـا
الانذال غيـر المـال مالهـم اتجـارهوالا الطيبيـن المرجلـه يتجرونـهـا
وختامها مني صلاة(ن) علـى النبـياللي رفـع بالحـق عالـي اركونهـا

____________

الشاعرمحمد بن راضي الدليهي

أشفق على المجلس وزين التماثيل=وعلى الرجال اللي عريب(ن)نسبها
ولَقلـت بسيّْـر عشـان التعاليـل=عينت بعض وُجيِه يكلـح غضبهـا
أهل النقيلي جو على سبق الخيـل=كل(ن)جـواده بالمغـاره شعبهـا
مكبريـن السالـفـه بالدهـاويـل=وعلومهم مابيـن خذهـا وجبهـا
ناس(ن)مدابير(ن)وناس(ن)مقابيـل=وعجاجهم عسكر من الشام لابهـا
لابارك الله بابرهه راعـي الفيـل=جميـع حسبات(ن)حسبهاخربـهـا
بيشيل مكـه جـاه =طير(ن)ابابيـل=وجمجمتـه بحجـارة الله ضربهـا
المجلس اللي مايجونـه رجاجيـل=جعل الحرايق فيـه يشعـل لعبهـا
تشتببه لافـات ثلث(ن)مـن الليـل=الفـرش قبستهـا وسقفـه حطبهـا
لاصـار ماتنـدار فيـه الفناجيـل=وصينيـة مكـرم ضيوفـه سببهـا
مجلس ولاهـو للنشامـا مداهيـل=والمرجلـه راعيـه ماينتسبـهـا
جعل المشاكل فيه هيل(ن)بلا كيـل=يعدهـا يغلـط اليامـن حسبـهـا
بالله يادعاجـة العـيـن بالمـيـل=ياللي عيونك ريـش الاسودهدبهـا
ياللي عيونك سود خرس(ن)مظاليل=سبحان من باحسن وصايف وهبها
بالله شومي عن من كانـه ابخيـل=شومي لمن يدعـي مهدىصعبهـا
اللي يعدونه هل العـرف حلحيـل=حـلال قالتهـا مخلّـص نشبـهـا
تضربه المثال جيل(ن)بعـد جيـل=اللي بوقت الضيق يـروي غلبهـا
هذا هوالموجز وهـذا التفاصيـل=يامسَرد المجلـس ترانـي جنبهـا
والجدي شام ولليمن يمـة سهيـل=ولابـد مالجربـاء يبيّـن جربهـا

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ


الشاعر راشد بن محمد الحويط

الحويطي قال أنا يوم بيحـت الكنيـن=هاضني عذرا شكت من كثير أحبابهـا
دارنا بنت من الزين منظرهـا حزيـن=من خطبها غيرنا مـا بغـت خطابهـا
ما نبي غيره أوهي غيرنا ماله خديـن=نحمد اللي عزهـا وانخـذل طلابهـا
والقريزي في حول دارنا قدله سنيـن=جاه منـع مـن ملكنـا ولا رسابهـا
يدرس الموضوع والناس ضده مبرقين=جعل يسلم حاكم الديـن فـك انشابهـا
طرش المرسول قبل العدو والطامعين=قال حدعنـك مـن سابهـا لاسابهـا
وحدهامن شرق سيف البحرللطامعيـن=وحدهامـن قبلـه رستةيمشـي بهـا
ذي بلاد الخالدي من عصورالأوليـن=يامهنـدس ورثـة الجـد مايحكابهـا
المساجـد ثابتـة والمنـازل بينـيـن=وعين اخونورةعليهاواهلهاأولي بهـا
ياطويل العمر ذا عندنا وامـرك يقيـن=مير نبي صكوك من محكمـة كتابهـا
مايعاف الحق وشروع كـل مسلميـن=كود خطـو دجـه مـادرت وشجابهـا
مايطيعون النصيحـة مـن المتعلميـن=كيف تنجـح ديـرة طافـح مغرابهـا
يحسبون يصير ملك بـدون مسجليـن=يلعب الشيطان بين العرب واحزابهـا
ودنـا بالقـز كـود ديرتنـا تـزيـن=ينتظـم مشروعهـا ويتحسـن جابهـا
ودنـا نرتـاح مانصـيـر مغمـديـن=مثل جربـا مالقـت والـي يطلابهـا
قبل ينشب قاصر الذات ويغويةالعيـن=ينتشب هو وبن عمه بوسـط اترابهـا
مايحب الصوب الأيمن ولايرجع يمين=قبل هذا الناحية عذبـت بالـدا بهـا
مارجا عون مـن الله ولاوجـه يليـن=النشايب سمـه لـه وجـر اسبابهـا
لنشب صاحواعليه العرب والشامتيـن=امتحـن ثقلةحمـولـه ولايقوابـهـا
ياردي العرف خل ابن عمك لك عوين=ينطح العدوان لامـن عـداك كلابهـا
قالها رجل يحب الرجـال المستحيـن=مايحب اللي غـدت فتنتـه بقرابهـا
ودك ان الرجل يصمل سواة الأوليـن=لاعدى فك الطلـب مـن ورا طلابهـا
قلت قاف يقعد النيم والقلب الفطيـن=والقلـوب الميتـة جعلهـا يقدابـهـا
رب عطني متعة من متاع الصالحيـن=طاعةالرحمـن قبـل اجلهاوحسابهـا
ودي اصبر مير حدونـي المتعرضيـن=تب تكنسـل دارنـا مـن كثيرالقابهـا
مالنـا ملـك نشوفـه ولامتصرفيـن=ما تصح الدار لاضاعت الاريـا بهـا
مايطيعون النصيحة ولاهـم فاهميـن=قدكلـت الـضـو ماسنعواشبابـهـا
جعل ياتـن فارياتـن يشقـن القطيـن=مثل راعي السد حتى النخيل أومابهـا
كود ينفك النشب بيـن ربـع ناشبيـن=ويرجع الشيطان من ساعةقـد جابهـا
لونسلم من اهل الحسد كان امسنعيـن=كـل ماجتنـا مشاريـع لـدوا بابهـا
جعل من خالف هل الحق حالة ماتزين=يبتلـي فـي علـة مايفيـد اطبابهـا
اذكر اللي كل الاسلام لأمره ساجديـن=وكل محـرم عنـدي الفاتحةواقرابهـا



الشاعر مسلط بن عصمان الخالدي




ياونتي ونـة خلـوج مـن النـوق=علـى ولدهـا بالتهاليـك معـتـاق
اقفوا بها ربـع مـع كـل خنتـوق=وقامـت تلفـت للحويـر بالاشفـاق
قامت تصعفق بين صافي ومصفـوق=واحفاه من ضرب العصا كل مرهـاق
من اول تقطف ثمـر كـل زملـوق=واليوم صاعنـه خبيثـات الاوفـاق
جسمه مثل جسمي من الحال مسروق=يشدي لغصن يبسـت منـه الاوراق
اهي تعرضهـا لوابيـث وصفـوق=فرقا ولدها مـن خبيثـات الاوفـاق
وانا تعرض لي من الناس مخلـوق=حش الضمير وزاد قلبي بالاحـراق
هليت دمع العين واخفيت انا المـوق=ومن دمعها الصافي على حجرها راق
على وليـف زيـد القلـب بفتـوق=اختف عقلـي يـوم نـو بالافـراق
سقيـم عقبـه ماتطعمـت بالـذوق=قفا وعرضنـي خبيثـات الاطـراق
غض النهد زين التعازيـل منتـوق=ماشفت انا غيره علـى غايتـي لاق
سبحان مسويها على كـل مخلـوق=من مركز القبله الى سيف الاشـراق
شفت الشعر دانق من العنق مفهوق=متفـرع مـن مـارق العنـق دلاق
زاف على زاف من المتـن مفـروق=غاش ردوفه شافه القلـب واشتـاق
ياما حلا شك القلايد علـى الطـوق=وخدود يوضن في حسينات الارنـاق
خده كما برق ليـا نـاض بشعـوق=غرو على قلبي وعقلي معـه تـاق
والياطرى لي تاق قلبي وانا اتـوق=والا لغير الشـوق مانيـب عشـاق
اصفر عفر يعطي من الورس برموق=على حسن ماراق ماهيـب مبهـاق
لكن عليها الورس والمسك مدفـوق=ولون كما شـاش تمـاراه بالسـاق
خواصر هبـاع مـن ردفهـا فـوق=وخصر كما الخاتم به السير خفـاق
لكن رمش العين لاغضت عن الموق=ريش النعام اللي بالاجنـاح خفـاق
كن العسل في مبسم العذب مذلـوق=بالهجس والا راعي القيـل مـاذاق
ادوج وسط الناس من غير معلـوق=كني قريص فيه سم الحنـش سـاق
لاحول حل بداخـل القلـب سـاروق=كني سوى شـراب خمـر وتريـاق
معجم ما علم مـن القيـل منطـوق=باسباب خود صـار للقلـب سـراق
ياطـارد بدمـاي لاتقبـل الـسـوق=اخذ القضا من واحـد بالعهـد بـاق
ختم الجواب وخاتـم القيـل داروق=وين انت يا للي ماتجي لي بالوفـاق

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

الشاعر عبدالله فزاع المجدل الخالدي

بادي ذكر ربي عالـي الشانـي=ينصر المملكـة ويعـز قادتهـا
يبدع الخالدي زينات الأ لحانـي=والقـوارع بنهديهـا لسادتهـا
مرحبا في ملكنا طير حورانـي=عاهل المملكة قائـد مسيرتهـا
رحب الشعب في حماي الأوطاني=أنت نور البلـد وأنتـم معزتهـا
باني المجد خالد ريف الأوطاني=أنت وإخوانك الشجعان قادتهـا
رحبوا فيـك شبانـا وشيبانـي=يوم جيت السعادة دارنـا جتهـا
للعرب درع في زوغان الأذهاني=والتواريخ تشهد في سياستهـا
يا صقور الجزية فعلكـم بانـي=أنتم أبطالها في وقـت حزتهـا
كل قولي على صدق وبرهانـي=ننظم الشعـر والأبيـات نثبتهـا


يتـــــــــــــــــــــــــــــــــــــــــــــبع

[نوف الخالدي]

الشاعر خالد بن حسن البليهد العلي الخالدي ..

بديت باسم اللي له الحمد والثناء=الخالق اللي عالم بالسريرة
اللي رفع سبع السموات بلا عمد=أبدّي اسمه قبل ما ابدأ بغيره
وخلاف ذا بديت بدع المثايل=مثايل فيها المعاني كثيرة
سميتها باسم الوداع وبنيتها=وداع شيخان وصحب وجيرة
وداع يادار الجنوب العزيزة=دار الكرم والطيب باحلاك ديرة
دار بها كسابة الجود والثناء=سيفين من صلب السيوف الشطيرة
خالد بن فيصل مقدّي جموعها=حلاّل صعبات الأمور العسيرة
حلحيل ماينحال سوء على العدا=غيث الرفيق وعون من يستجيره
خالد من أوكار الحرار المحنكة=مفراص ماص مايجبّر كسيره
والمنطقة في عهد خالد تقدمت=وفيصل لعسرات المعاني وزيره
فيصل مقدّيها اذا غاب خالد=واذا حضر فيصل عوينه شويره
أهدي لهم كلمة وداع نبيلة=ولا اعتبرها الأولة والأخيرة
لكن من زائد غلاهم وحبهم=ماكنّته نفسي يبين تعبيره
وادعتهم والقلب متأثر بهم=حسب الأوامر جعل بالأمر خيرة
جتنا الأوامر والأوامر مُقدّرة=أقدّره وأقدّر اللي يديره
وافخر بتعييني على أعز منطقة=دار بها راعي الفعول الشهيرة
عبدالإله أمير دار نصيتها=عقاب الطيور اللي بعيد مطيره
خدمة إبن عبدالعزيز افتخر بها=ولي الفخر ماهي عليّ بقصيرة
حسب الأوامر وإقتضاء صالح العمل=صدر قرار الأمن وأمضى مديره
وسقنا ركايبنا على نية السعد=من بيشة الفيحاء ومكرة حريرة
مكرة بساتين بها الزرع والنخل=وطاحونها يلعب بجمة غديره
من بيشة الفيحاء سقا جوّها المطر=ومن الوسم تسقيها الوسوم الغزيرة
دار لنا فيها عزيزين وأصدقاء=عملنا بها عزم وحزم وغيرة
وعزّ ونوماس وأمانة وتقوى=ومن واجب المسؤول يحفظ مسيره
أوادع دوائرها على الطيب والنقا=كل الدوائر والعيون السهيرة
وداع بعد تسع سنين قضيتها=كسبنا معرفة كل قائد عشيرة
عرفنا الصعيري جارنا في محلنا=سلولي وشيخ للوجيه السفيرة
وعرفنا إبن لزهر والقبيلة معاوية=شيخ وله قيمة وعزم وبصيرة
وعرفنا ابن شكبان معرفة أهل الوفاء=شيخ على الرمثين شيخة جديرة
وعرفنا كبير أكلب بوادٍ وحاضرة=عبدالله عطيان زبن المغيرة
وعرفنا الفويه زيزوم لطّامة العدا=بني واهب ماتطلب الخصم جيرة
وعرفنا عمير اللي تسمى به القرى=من الحيفة الخضراء الى ضلع خيرة
وداع لشيخان القبائل وقومها=من لسان بو فرحان واقصى ضميره
شيوخ تعزّ الجار والضيف والخوي=وعليهم فراق الجار صدمة كبيرة
وحنّا وهم في راية المجد والعلا=بظل العلم من يوم صقر الجزيرة
اذا مادعى الداعي بنرخص عمارنا=ندوس الأفاعي والدروب الخطيرة
نحب القيادة والقيادة تحبنا=لاغاب شيهان تقدّم نظيره
نصون الأمانة في عملنا وديننا=عهد علينا حافظين مصيره
نحافظ على سنة محمد وحكمنا=شريعة سمحة وحق وبريرة
على فطرة الإسلام من كبر حظنا=يعيش الفهد فينا يقود المسيرة
ويعيش أبو متعب وسلطان درعنا=اذا ولّّعت نار المعادي الذخيرة
ونايف وزير الداخلية ونورها=عسى الله من سوء المنايا يجيره
وأحمد عضيد له على الكود والرخاء=عضيد السعد سمّ الكبود الضريرة
وختامها أزكى صلاة على النبي =رسول الهدى عبده بشيره نذيره

--------------
الشاعر حمد بن سعد الدليهي الخالدي
لاح براق(ن) .. وغيثه على القحل حدور=وازهرت من عقب ماطال وقـت محالهـا
وابتدينا والخوافي ماهـي مثـل الظهـور=والنوايـا تنعـرف بالبشـر باعمالـهـا
ويظهر اللي عند ربعـه بوقفاتـه غيـور=والمواقـف بالمهمـه تبـيـن رجالـهـا
وانشرح صدري وبفرح مع كل الصـدور=والصـدور اللـي لنـا وافيـه حنالـهـا
جيت امثل دور شاعر وانـا حاميـه دور=ماتثنـى دون ربعـي وحالـي حالـهـا
فاح مخزون القصايد مثل فـوح العطـور=واتخيّـر بالمعانـي واجيـب جزالـهـا
ياسلام الله من حساس ولسـان وشعـور=ريحتـه مسـك وتحيـه موفـق فالـهـا
ياسلام الله على كل من غـاب وّحضـور=عد ماحنت رعـود(ن)... نثـر همالهـا
وللظروف احكام واللي عطى العذر معذور=الحضـور تـسـد غـيّـاب ماتقفالـهـا
والصقـور عيالهـا بالمواقـف ماتبـور=قالها غيـري وقبلـي وانـا مـن قالهـا
ملتقى ربعي وهـذا مـن أيـام السـرور=وبيض الله وجه من فكرتـه نسعـى لهـا
يابني عمي هل الطيـب وافيـن الشبـور=لابة(ن) .. منزالها شامخ(ن) .. منزالهـا
سطر التاريخ مجد(ن)..ولابعـده سطـور=من جنوبي هجـر والاحمـدي وشمالهـا
ماتمحيّنا مـع الوقـت قفـزات العصـور=تشهد الاتراك في هبـس مـن مرسالهـا
والقبايـل مابهـا فـي فعايلهـا قصـور=ماجحدنا عبـر الازمـان ذكـر افعالهـا
يوم ساد الامن وقفـت مناهيـج الدبـور=رايـة الاسـلام بانـت وهـل هلالـهـا
تحت ظل اخوان نورة ونور الحق نـور=الحـرار اللـي علـى النايفـه مدهالهـا
وصار ميدان الجزيرة على العز معمـور=شجرة(ن).. كل القبايـل هنـت بظلالهـا

----------------

الشاعر ماجد بن حمد الزيد العلي الخالدي
قال الفتى الي حايـم براسـه الشيـب=راعي القوافي ان قال اباتـوب كـذاب
وصيتن من ذيب تسنـد علـى ذيـب=والذيب يشكيله مـن الجـرح بقنـاب
يـا عاقـلا ياخـذ بلـب المكاتـيـب=ومازل منها يجدعه دون مـا عتـاب
خطيت لك من واقـع النـون تهذيـب=ولخصت لك خبرة سنيني بلا حسـاب
هادوك خذها واول النصـح ترغيـب=سيف الفتى نصفه ونصفن ترى كتـاب
ولا خير في رجلن عديـم الشواهيـب=حمرن تزف الموت لاثـارت انشـاب
ومنلا ثنـى ساقيـه عنـد الكتاتيـب=الموت خيرن له وتالي الفتـى تـراب
ومنلا جمـع ثنتيـن عنـد المناكيـب=صبرن وحسن الظن في رب الارباب
خسر الثـواب ولانفـع شقـه الجيـب=افلس مـن الدنيـا وبالاخـرة خـاب
ومنلا نفع ربعـه فـلا يذكـر بطيـب=ولا يشرب دلالـه كريميـن الانسـاب
يعيش منبـوذن لمـا راسـه يشيـب=ييبس كما تيبـس بملهـاب الاعشـاب
ومنلا تواضع شاف تالـي العواقيـب=يجيه وقتن يقهـره عكـف الاشنـاب
ون اجتمع عكف الشوارب على طيب=افزعلهـم وايـاك مـن ردة الـبـاب
ون جاح ربعك كايداتـن فـلا تغيـب=عنهـم وخلـك بينهـم مثـل العقـاب
وقت الرخى كلـن يلبـي المطاليـب=ولا يصمل الا الحر في وقت الاكراب
عشنا وشفنا مـن الليالـي اعاجيـب=تدعي حليم العقل يعـوي لـه اقنـاب
وا كثرهم حولـك قرايـب واجانيـب=ون عزت حدهم ماوقى عنـك ذبـاب
مادمت ميسـورن فكلـن بـك يهيـب=ون اعسرت تلقى المخاليق اغضـاب
ترقى ومعك يرقون فـوق المراقيـب=ون طحت خلو جثتك نهـش لكـلاب
ومنـلا توقـع دوس درب العذاريـب=زلت خطاه ولو نوى خيـر ماصـاب
خذها من معـدّي عسيـر المعاطيـب=من الذي شيـب وهـو مابعـد شـاب
نصيحـة تشـرى بغالـي المذاهيـب=يعدّهـا الحييـن للـي بـالاصـلاب
ان طحت لاترجي سوى عالم الغيـب=الواحـد الـي مـن ترجـاه ماخـاب
منشي الرياح الي تسـوق السواكيـب=الي نصر عبده على جنـد الاحـزاب
الي بعـث نـوح(ن) وداود وشعيـب=ومنقذ ابراهيـم مـن نـار الاحطـاب
لاتجزع ان جالك من الوقت ترهيـب=ولا تفرح بشمسـن تواليتهـا غيـاب
واعلم ترى ماخطاك ماكـان ليصيـب=ولاصابك الا اللي كتب لك به تصـاب
من عاش مات وكل حي(ن) يبي يغيب=وجميع من فـوق الاراضيـن لتـراب
وين المهلـل سالـم او وينـه كليـب=وين الخلاوي ووين شامـان وحجـاب
وين الفديع او وينهـم شالـح وذيـب=وين اجودن بن زامـل ووينـه ذيـاب
قـد جاهـم الـي ماتـرده تسابيـب=ولا واحدن منـه تشـاوى ولا طـاب
الموت يامهفـي الوراعيـن والشيـب=كانك تبي حلقي فانـا اقيـف بالبـاب
ياموت انـا مشلـت هـم الرعابيـب=ولا غمضت عيني على دني الارغاب
ياموت انـا ماريـد مـال ومكاسيـب=ولاني بمزهوفن على عنـق الارقـاب
همي عظيم ولايشيلـه سـوى الذيـب=الى علـى نطـح المهاليـك رغـاب
قولـوا سفيـه ولا يحسـب العواقيـب=وقولوا فلت عقلـه ولا تنفـع اطبـاب
وقولوا هروجه حكي ليـل وتكاذيـب=وقولوا خيالـه جامحـن مابعـد تـاب
قولوا... ومن في خاطره صوتن يجيب=عمر الوحش ماعثر خطـاه سنجـاب
باكر يجيكم علـم ذيبـن ولـد ذيـب=مايردعه طاغوت ومرجف ومرتـاب
لي همتن يخسى حمل همتـي هديـب=وتخسى المباني والبواخر والهضـاب
تعجز مصر والشام صين وسرنديـب=تشيل ذاك الـي حملتـه ونـا شـاب
همـي يعـود المجـد تاليـه لعريـب=ونجمع على صهيونن جيوش الاعراب
الى متى نصبر علـى الـذل والعيـب=ويدوسنا الي ماحسب للمـلا حسـاب
ابكي على ربعـن قوانيـص للطيـب=وابكي بنـي عـم وبعيديـن واقـراب
ابكي العرب في عاليـات المصاليـب=وابكي عليهـم كـل ماحـل الغيـاب
بالعين مالـوم البصـر لوهـو يعيـب=والقلـب مالومـه ولوهـو بعـد ذاب
وين العريعر وين هبـس المعازيـب=وين اخو عينا اللي لـلارواح جـذاب
او وين زيـدن مانفـع فيـه تطبيـب=ومانع اسد غابن عن الغاب قد غـاب
من بعد عـز الـدار دار المواجيـب=في ظل مقرن سيف الإسـلام غـلاب
له مخلب يشبع بـه الضبـع والذيـب=ويامـا تعشـن برتغالـيّ واجـنـاب
ينطـح عدانـا ماحسـب للعواقـيـب=ولا أرسلهم منـدوب للصلـح بكتـاب
يوم الكريهـة شيـب الكفـر تشييـب=كم علج أستليث رجع تقـل سنجـاب
وسعدون! رد الترك وأضحوا مطاليب=وبراك حـراً ماتـرك للعجـم بـاب
ودار الزمن والوقت جتلـه اعاجيـب=عقب المعزه قـام يلسـن لنـا الـداب
لاتفتخـر يامعـرب الجـد تعـريـب=ولا تقول انا من نسل ذلال الاصعـاب
الي عليـه العلـم فـي عالـم الغيـب=شربـوا حمـام وعنهـم قفـل البـاب
يافلان لـو جاحتـك بيـوم مناكيـب=لاتنتخـي يافـلان بطـوال الاشنـاب
لاتنتخـي ياتايـه العـقـل بعـريـب=صايل عليهم كافـر وصـاروا هبـاب
شد الرحايـل يـم ربعـن مكاسيـب=العز ما يبنى بـلا ضـرب الارقـاب
من يطلب العليا عـن الـذل والعيـب=لو انقتـل سبعيـن كـرة فـلا تـاب
خطو الرجل لاغـار كغـارة الذيـب=والبعض تيساً ثورتـه زبـل وتـراب
ياذيب قل للي رضى بحالـة عريـب=يلبس خمار وفـوق المتـون جلبـاب
ياذيب أنا راسي قد أشعل بـه الشيـب=ومعدود بين الناس من جمع الاشبـاب
ياذيب جـاء وقتـاً تدابـي الجناديـب=وإلا نقزت ياذيب مـا طـار العقـاب
ياذيب وش ترجى بدار(ن) بها الذيـب=يرعى مع الطليان من كسو ال تـراب
ماهم على خبـرك قحاقيـحِ عريـب=لامقرنن فيهـم وقـد مـات خطًـاب
مقرن ابن زامل بن غريـر ماجيـب=مثلـه ولا مثلـه بعربيـن الانسـاب
أرض العرب تبكي لهـا ون ونحيـب=دنس ثراها كـل علجـن بـن كـلاب
مالومها تصرخ تشلـق بهـا الجيـب=أضحت هدف كل علج عات(ن)و نهاب
الحر يأبـى الـذل وعاهـدك ياذيـب=دارن طغت بالذل مالـي لهـا إيـاب
وا جرحي اللي كـل ماقلـت بيطيـب=جدد صوابـه وانفتـح داملـن طـاب
دنيـا تقلـب بالبـشـر كالدوالـيـب=ساد اللكع والسيـد صاروبهـا هبـاب
والكلب صاير لابسن له جلـد شيـب=والذيب نسل الذيـب يركـع للغـراب
واكبر هـم بماجـد مناجـي الذيـب=ولد حمد بن زيد من صلـب الاذيـاب
تمت كما جرح(ن) عصيّن فلا يطبيب=في كبد اخو خضرا قديمن ولا طـاب

_________________


يتــــــــــــــــــــــــــــــــــــبع <<<<<

[نوف الخالدي]

هنا قصيده رائعة .....

قصيدة الشاعر بدر بن عبدالله الصبيحي الخالدي

البارحه والجوع مس الذيـب يـوم انـه يعـوي
علـى سنـام طويـق والقمـره وراه بليتـهـا
اخايلـه واقـول واعـزي لحالـك يالـقـوي
اللي تنقـى فـي سمـان الفطـح لا مـن جيتهـا
واللي باساميك يتقلدهـا الخـوي مـع الخـوي
والعرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي
والوجبـه الحيـه تعشاهـا وتـتـرك ميتـهـا
الجوع لو يدفعك للمـوت الذحـاح المستـوي
حشمت نفسك عـن عظـام الحرجـه وخليتهـا
ودامك طليق(ن) ما قهـرك المعتـدي والمهتـوي
وخطاك مـن دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي
مـا بيـن مرحـان الشواويـه ليـا عشيتـهـا
يا موجل(ن) قلب حضري يا موجل(ن) قلب بدوي
ياللـي تشيّـم خـوة الرجليـه ان خاويتـهـا
عامل خوي الذيب في عصـر الفـوات المنطـوي
وقصتك فـآذان العـرب واليـا طـرت لبيتهـا
نحر ذلول(ن) مـن وصايفهـا شحمهـا مرتـوي
لعيـون خوتـك الفريـده والبقـا فـي صيتهـا
يا ذيـب يكوينـي قنيبـك لا توحّيتـه كـوي
على غشـاش الكبـد والخطـوه عمـد رديتهـا
مدري غبى مدري ذكى مدري تسـرع فوضـوي
لكن خطواتـي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي
وقبـل زمـان العولمـه للـنـاس وآتيكيتـهـا
وقبل يغيـب المنطـق الحسـي ويبقـى المعنـوي
والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلـتـوي
والناس تمشـي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي
والهاشميـه فـي طـرف عيـنـي ولا دنيتـهـا
لا جيث ابرثي حالتك ضـاع الكـلام اللغـوي
والمفـردات اللـي تجملـنـي لـيـا عديتـهـا
والهاجس اللي كل مـا فليـت حويـه ينحـوي
وافكـاري اللـي تتعـب الخافـق ليـا هليتهـا
واخاف لا تكمـل وينحـاك النزيـف الدمـوي
وابقـى علـى قـول المثـل خميتهـا واخطيتهـا
ياذيب واقنب خل صوتـك يـدوي العالـم دوي
مـادام خانتـك الظـروف الله يخـرب بيتـهـا

--------------
الشاعر عاطف الدرعان العلي الخالدي
يا هيه ما هي لك علـى مـا تمنـا=ياللي تعذرب وانت اصلاً ولا شين
لو كان ما صرحّـت حنـا فهمنـا=ما يلزم التصريـح عنـد الفطينيـن
ان كانهـا بالمجـد حنـا حكمـنـا=من قبل حكم اللي لهم حكم هالحين
البرتغالـي يـوم جاكـم هجمـنـا=حتى طلع من شرقها حاسر العيـن
اسطولنا يشهد لنـا مـا انقصمنـا=وانتم ولا تدرون خلـف البعاريـن
وان كانها بالطيب محـدن هزمنـا=يوم الردي ايبيـع طيبـه بقرشيـن
وان كانها بالمرجله شـف سهمنـا=غالي ولا يرخص سوات الوضيعين
وان كان بالخـوه ترانـا حشمنـا=خوينـا بالقلـب وسـط الشراييـن
وان كانها بالسيـف هـذا عشمنـا=وأهل الردا تدفع ضرايب ملاييـن
شجعان بأسباب الشجاعـه سلمنـا=والغير بأسباب المخافـه سليميـن
خوالـد ٍ بالمعمـعـه لأحتزمـنـا=مـا نكتفـي إلا بقطـع الوريديـن
يكفيـك بالميـدان طولـت نسمنـا=يوم ٍ تضيق الناس وسط المياديـن
ياما من قصـور ٍ طويلـه هدمنـا=انشد اهلها كـان فيهـم صريحيـن
مهما يدور الوقـت نخطـم زمنـا=كـل الخوالـد بالمهابـه سلاطيـن
وش انـت ياللـي بالـردا تتهمنـا=رضيعنا مزبـان بالعسـر والليـن
كم بار من معروف بس ما ندمنـا=نعطي كذا ماهو لقولـت كريميـن
ما جيت اعلم هالبشر عـن كرمنـا=الفاهـم أدرى والجهـل للغشيميـن

-------------
الشاعر مهند العشيش الضويحي الخالدي
باسم رب الكـون عـلاّم الكنيـن=خالـق الثقْليـن يعلـم مابـهـا
القريشي قال له قـول(ن) ثميـن=والقصايـد مرسلـه لاصحابهـا
دق جوالي علـى نغمـة رنيـن=ثالـث العيديـن لبّـى ذيابـهـا
انـزل الكبـري وحـدّر للبطيـن=( خمسه كيلو ) ربعنا واطنابهـا
الله اكبـر جاتنـي يامسلمـيـن=حزة(ن) كـل العـرب تحكابهـا
دامنـي بيـن الخوالـد يافطيـن=والله انـي ماحسبـت احسابهـا
عند راع الحزم ياطلـق اليميـن=للتجمـع فاتـح(ن) لـه بابـهـا
يامهنا علمكـم علـم(ن) متيـن=والعـرب ماتقـتـدي باذنابـهـا
طيبكم شفنـاه ياصافـي الجبيـن=الحضر تشهـد ومعهـا اعرابهـا
للكواسـر رايـة البيضـا تبيـن=البويـدي ويشهـدون اشنابـهـا
وابن مجدل متعب(ن) حيل السمين=بالجـزيـره لابـتـه حيّابـهـا
شيخ(ن) مقـدّر بطبـع الاوليـن=بو شريف النايفـه يرقـى بهـا
حاميٍ ( جنه ) بصـك الفاتحيـن=اشهد انـه جابهـا ثـم جابهـا
اللقـا طيّـب بــدار معزبـيـن=وش علينا لـو تشـق ثيابهـا !!
الصبيحـي والعمايـر حاضريـن=والطلايـب ماتـعـب طلابـهـا
والمهاشيـر النجيبـة واصليـن=والصعايـب قـد نفـك انشابهـا
والحميـدي والجبـور مشرفيـن=والعمـور الصاطيـه باحدابـهـا
ليلة(ن) فيها الخوالـد مجمعيـن=لو غزينا الـروم نكسـر نابهـا
ولو عبرنا البحـر ليلـه ثايريـن=ناصل لصهيـون ويّـا احزابهـا
إي نعـم رحنـا وحنّـا معيديـن=ليلـة(ن) مامثلهـا باخضابـهـا
العن الشيطان وابليـس اللعيـن=ياقلـم هـوّن عـلـى كتّابـهـا
والنعم في كل ربـع(ن) طيبيـن=بالقبايـل سلمـهـا وانسابـهـا
قالها ابن عشيش بالقول اليقيـن=والله اعلم نيّتـه وش جابهـا !!

--------------
الشاعر مشعل بن طالب العريعر الخالدي
طرالي ذكر حي(ن) ما نسيته=رفيق(ن) بالمراجل له فراده
ذكرته في حروفي والقصايد=عسى عمره سنين(ن) في مداده
وطرالي ذكر رجال(ن) تكبّر=جحد علمه ولا يبغى الافاده
فحَد ذكره ترى دايم يخلد=وَحد ذكره غدى هم ونكاده
امور(ن) بعضها ساطع وباين=وامور(ن) ما جلى عنها سواده
الا يا من عرفت العلم كله=وعرفت الشر من باقي رشاده
الا يا من نكرت الحق فينا=وجحد الحق تخريب وبلاده
ترى ما ينكر التاريخ عاقل=ليا صارت علومه في زياده
حلومك والحقايق فرق شاسع=خلطت الحلم مع باقي سهاده
فلا نامت عيونك لو تكبّر=ولا ذاقت طعم لين الوساده
تحسب انك فطين وصرت تفهم=وفهمك ما يجي الا بركاده
تسَمّع للونين اللي في صدره=وش الرجال من دون الأراده
وش الرجال لو ضاعت سُلومه=وكل(ن) له سُلومه واعتقاده
يحَسب اني نسيت اللي قبلنا=وكل(ن) يذكر الماضي وعَاده
ولا منك ذكرت العلم كله=فلا تنسى معي علم و وِكاده
وكاد العلم ياصل كل مسْمع=لان ربعي لهم سبق الرياده
ترى اللي يجحد العلم الموّكد=يموت ولا بعد ينفع عناده
واذا كان الشعر بحر(ن) يسيّر=برده لين يغمرك بمداده
واذا كان الفخر عيب ونقيصه=ابفخر لين يكسيك بسواده
واذا عيب الرجل فخره بربعه=فانا العيب المقيم بكل عاده
ابفخر بالخوالد كل حزه=الين الساس ينهد بعماده
وبفخر بالرجال اللي حداهم=عظيم(ن) ما رجى منك الاشاده
وبفخر بالبيوت اللي كبيره=مداخلها تراحيب وسعاده
وبفخر بالسموت اللي ورثنا=وبفخر لا هَمَا طلق الزناده
لنا مجد(ن) عظيم بكل ديره=وحتى البحر يشهد بإمتداده
ولنا بين العرب قدر(ن) وقيمه=وعلى الرجال لا يرخي شداده
خوالد لو نبيها جت بذله=ونرقى كل ما يحْلى صِعاده
خوالد عزوتي بيض الفعايل=هل الطولات في حرب ونداده
بني خالد ليا قلنا فعلنا=وكم حر(ن) نشرد من بلاده
شربنا الموت من مورد عذوبه=ونسقي من يعادينا ركاده
لأن العز مطلب كل ضامي=وحنا بيرنا عسْر(ن) وراده
وانا من نسْل حيّاف الحبارى=عريعر سادها نعم السياده
فلا للمجد بعده من عظيم(ن)=ولا بطن(ن) اجادت بالولاده
ومجدي ينولد في كل لحظه=ومجدك ميّت(ن) تعلن حداده
لاني من رجال(ن) قد تعدّو=وسَبَقنا قبل لا يسرج جياده
ابن زيد العريعر في اصولي=وكل حر(ن) سعى يبلغ مراده
عرفت اني من رجال(ن) عظيمه=لنا في كل رجّال(ن) جلاده
وصغير(ن) لو بغى عالي الثريا=تجي تسجد ذليله في مهاده
ولكن حكمة المولى تعالى=خَلَقنا للمعاد وللعباده
ولا منه درى عن علم ربعي=فذكر الحق اولى باجتهاده
وعلى خير البشر صلّي وسلِّم=وربي له صلاتي والشهاده

اتمنى ماأكون اطلت الموضوع عليكم – الشعراء كثير ولن نوفيهم حقّهم ولكن لكي لا اطيل عليكم
ولكم كل الشكر
ويالله الدور على مين يطربنا بقبيله وبعض شعرائها ...


لكم الشكر والتقدير


......

[المياسين]

كل الشكر لك ضي....

قبيلة عريقة,,, وشعراء مبدعون...

وقصائد باذخة الجمال..


اصبت الاختيار,,

ياضي

ممتنة لك

[هيفاء الزامل]

ضي الخواطر



لله درك ... يروق لي ماكتب هنا



ساعيد الدخول هنا مرارا وتكرارا وربما لن يكفيني ..



احتاج الدخول هنااااااااااا كثيرا للاستزادة ..




شكرا بحجم السماء ... اكرر الشكر ولن يكفي ..

[الضامي]

رائع هذا الفكر العالي والمتميز أختي الفاضلة

سيكون لي عودة بقبيلة \ والنعم في بني خالد قبيلة ذات امجاد رائعة

إعجابي بهذا الفكر

تحياتي

الضامي

[نوف الخالدي]

كل الشكر لك ضي....

قبيلة عريقة,,, وشعراء مبدعون...

وقصائد باذخة الجمال..


اصبت الاختيار,,

ياضي

ممتنة لك


حضورك تطرب لة الصفحات فكيف بي أنا ؟؟

حرفك الرائع يضيئ متصفحي ويسعدني

ود عميق

:2613df09b6:

تقديري

.......

[طلاع الزعيزع]

كل الشكر ضي على هذا المجهود الطيب
ومثل هؤلاء المبدعين يجب ان نحافض على
تخليد ذكرهم ونحفض قصائدهم لما يحملون
في إبداعاتهم من الفكر الطيب والامثال والحكم
نشيطة يا ضي مشاء الله....الله يعطيك العافية .

[تـرف ..!]

قبيله عريقه ،، والنعم فيها

وموضوع متميز جدا ،، ضي دمتِ بهذا التألق ياغاليه :)

[نوف الخالدي]

ضي الخواطر



لله درك ... يروق لي ماكتب هنا



ساعيد الدخول هنا مرارا وتكرارا وربما لن يكفيني ..



احتاج الدخول هنااااااااااا كثيرا للاستزادة ..




شكرا بحجم السماء ... اكرر الشكر ولن يكفي ..


الجميل هو اشراقة أحرفك الرائعة هنا

وحضورك الراقي الذي يسمو بالمتصفح

لكِ الشكر والتقدير

مودتي

http://up.do7a.com/get-12-2008-do7a_com_q1a7a5n9.gif (http://up.do7a.com)

[نوف الخالدي]

رائع هذا الفكر العالي والمتميز أختي الفاضلة

سيكون لي عودة بقبيلة \ والنعم في بني خالد قبيلة ذات امجاد رائعة

إعجابي بهذا الفكر

تحياتي

الضامي


والنعم فيك أخوي ماعليك زود حضورك الراقي

أضاء المتصفح حياك وبعودتك المتألقة

تقديري

http://up.do7a.com/get-12-2008-do7a_com_q1a7a5n9.gif (http://up.do7a.com)

[كبرياء أنثى]

انتقاء رائع مميز هنا للحرف للشعر باب الجمال


:!:

[بيلسان]

قبيلة عريقة وشعراء مبدعون وقصائد باذخة الجمال



ونقاء هنا


وابل الشكر ضي الخواطر



:!:

[لمار]

هنا للحرف يانوف أصالة نبض لاتنتهي وفكر شامخ

الشكر لقلبك ياقديرة



:!: