{}{}{{}مايلامس المشاعر بقلم. شاعر{}}{}{}

[عبدالهادي ال كحله]

هنا اكتب الحرف شعرا خاطره

واستقرار ولكن بثوب اخر لتلك الملامسات الحسيه كيفما هبة

نسمه أو عاصفه او شجن او هاجس



آلفت شي ٍ يمر الهجس به وأمتطيه
اقداه يامن خذاه البعد منّه اقداهـ
قد قلت لك ياهبيل النبض ليه المتيه
قدام اسوقك واحّدك وانت تبني وراهـ

فكري
هل اسعفتني بنفْس في متنفس
وتعرفني قنوع بالاقل لاني قناعه

تعرفني عادل عند الوضوح
ومن فمهني عرف مافي عيني

قلي وربك هل بات الزيف
صناعة وقت
ام
حياكة فكر
ام
رشقة انامل

أو

صياغة موضوعيه روتينيه

تتجمهر حروفي حين أصمت لكنها غامضتي
المحببه


سج يافكرى تراني ماغير امزح عليك
والرفيق إذا مزح لازمٍ تتحمله ,,

ليلتك يالبارحه وش فّي وويش فيك
كلها من قولت امعزبي قدر الأمله,,

هاجسي لاتبتلي يرحم الله والديك..
الظروف امكمله والشجون امكمله

كيف طار النوم وانا امحلق في يديك
كل شي ٍ يامشاري من سببك امهمله

يامنادم خافقي جات لك منك وايليك
والهقاوي كلهااا شكلها مترمله

[متعب المتعب]

من عيون المشاعر ..
سـ أكون متابع \
ارتجال وعفوية واحتراف وصدق وهذيان القلم ..

من هنا ..
شاعرنا الغالي عبدالهادي ..
سـ يكون التداني بديلا التنائي ..


بداية هذه :war:

[عبدالهادي ال كحله]

اخي متعب احييك في متصفحي
اسعدتني هذه الإطلاله منك

لك مثلها وازود

[عبدالهادي ال كحله]

يتغير الانسان بطبيعة ظروفه








ومن منظور مفهومه

لما يحسه اويدركه او يلامسه



سواء أن كان واثق به

او حس مفاجيء ويحتمل



الخطاء والصواب فمن تغير ظروف الانسان





((النفسيه))







ينتج ماينتج اما يبوح بما يكن او يتضح منه مالم يعرف عنه سابقاً





فيا للأنسان ما اضعفك,,











ولكي نبقا في الدائره







طالما افترت بنا أيامنا ..أو حيثما=ماكفانا من عناها لحنها اللي.. يحوف

ياغرابة .. من تغّرب من أعيون العما=والعما.. من صادق أحساسه وقلبه يشوف

أحتما..فكر المعنا ..وهاجوسه ..حما=وصار في صدره مثل طقطقة عجل البلوف

شاف فرق الصدق ..وأحكاية اللي أينما=يحسب الكلمه لوأنها من أحساب ألطيوف

والصدر من مامضي من تجاريبه ...زما=أمعروفٍ ويش رد الفعل فيه أمعروف

ياتشابيه .. الصور ..او تشاكيل ...الدما=لايتعبث بالسراير خفيفٍ مايروف

والعذر مايشبع أجويع...ولا يروي ظما=والتعب ياقلب عند التجاهيل أمخلوف

والله ان الهون أبعد ..عليه امن السما=كان لك قلب ٍ مع الدرب وأعيونٍ تشوف









وعند أختلاف كل حاله نفسيه تأتي الغرابه

وعنداستنفار النفسيه تاتي الغرابه

فاهل أنتم معي في الغرابه

؟

[عبدالهادي ال كحله]

كل الابيات الوارد في هذا المتصفح مذيله بأسم عبدالهادي ال كحله
لحفظ الحقوق


""

""







ليه..؟الغياب وليه تكثيـر الأسبـاب=والعلم واحد والهـدف مـن خلالـه
ما أخفيت انا شوقك بعد هاك الاعجاب=والله ماغيـابـك عليـنـا سهـالـه
ما أقدر أسكر بالفكـر دونـك البـاب=غصبى ماهو كيفـي ولاهـو جمالـه
يا آسره لعقول ..واجسام ,,وأللبـاب=مـاكـل مايفـقـد يعـيـن بـدالـه

[عبدالهادي ال كحله]

كم وانا أدرج أيامي وأقزرها

"


"


أختش على خلقتك ياالبايع الشاري=أدري ترى كل من بيمـر حزّرهـا
تقرى التملل..وداريٍ بي وأنا داري=أجهز على النفس لاتقعـد تعزرهـا
الحال من سبتك والهجر به بـاري=زر المعاليـق يافتانـهـا زرهــا
وش العرب فيه ويش العلم والجاري=تدرج ايـام مـن دونـك أقزرهـا

[عبدالهادي ال كحله]

البعد ليس بالمسافه بل باالفلب




لو تبعد أبعيد وألا يقتـرب حـدك=الشيطنه في أقلـوبٍ مـن تمردهـا
عطني..من الود.مع جزرك ومع مدك=كم غمةٍ لجل عينك قمت أبددهـا
الحب..لك والغلا..والود ..ّذا..ودك=هاك المشاعر ..وصدرها.. ووردها

[عبدالهادي ال كحله]

جيت ورحلت هناك ياليت ماجيت ..
.................................والا ياليتك يوم بينّت مارحت,,

[عبدالهادي ال كحله]

رعاك الله
من عين الحسود وكلـــــمة

الشمات

ورعاك الله
من ظن اللئيم وطــعنة

امواسه


ورعاك الله
ياسيرة محبه عشتـــــها

بسكات
وتنفسة الغلا
اللي جــــعل مايلفظ بي

*أنفــــــــاسه*


خذيه أكليل

من وردِ جمعته لك وكــــان

اشتات
وماعونه مراصيع
الشعر ماسه
على ماسه

أعطرماضي ٍ
لوفات من قلبي


ابــــــــد

مامــــات
ولوزاد الزمن
باسه قوي العزم

من باسه


ألا ياصـــــ,,,ــحبةٍ


ألا ياصحبةٍ
ألا ياصحبةٍ
ألا ياصحبةٍ
ألا ياصحبةٍ

مرت مثل
حلمٍ
وعمرٍ فـــــــــات
,,حفظة الود
في قلبٍ عرف قدره من



أحــــــــــــــــساسه

قد تكون اخر مايكتب هنا لكنها من خلجاته

[عبدالهادي ال كحله]

جعل ربي مايضرك بكيدك ويهديك=ولايلحقني مع الناس همي واجهدي
لامتى وانت اتبيعد واحنك واحتويك =في الزمان السردمي والمكان السرمدي
واتغمرني لحظة الوجد يوم أوله عليك=لو بقيت اناطق الصمت ماهوب بيدي
مابغيت الا وصالك معا مسكت يديك=لين حس بدفوتة الكف في راحة يدي

[عبدالهادي ال كحله]

ياغريبه )خلي الصمت واخذي مايليك =المشاعر تحت امرك تفزك وتعدي
لاتجين بصف مالا يقدرك ويبيك=دام تعترف بوفايه وتقري مقصدى.؟!
وكانك اتحس بعلاتك تراني معتليك..!!=عارفٍ قدري بنفسي $ومفتاح اسعدي

[عبدالهادي ال كحله]

أتابع مابدأت هنا كل منا له:
هقوته تلازمه في فرحه في حزنه في ضيقه
في ردة فعله جراء مايحصل له من ظرف او زلة صديق او هفوة شخص عزيز اوحبيب او ماشابه ذلك
فطبيعة الظن في الانسان اول مايخطر لايخطر ألا بسوء طالع فياأخي وياأختي اجعلو من طالع الظن الحسن
لتهنئو في المعاشره الطيبه ولا تتعجلو في أتخاذ القرار والموقف لايتعجل به عاقل حتى لو بردة فعل




لاتسرع في ظنونك وتا خذك اعجله=التركد.. فيه ,عرفٍ,وحكمه, ومحجا!!
كل علمٍ غامضٍ..لازمٍ فيه أحجله=ينعرف للي فطن...له لو أنه في.. الدجا!!
يعرف الانسان ..راسه وميقاع.. أرجله=وسو طالع..ظن الانسان ..شيٍ يسمجا!!
الاذان أمركبه والعيون.. أمبجله=آآه,,ياسود الليالي ..وياخيط الرجا!!
والكلااام ..اللي مع الوجه ..حذرا ..تجله=وكم حدٍ ..من طعنة ..الظهر ماسلم ونجا!!


ع.ال كحله

[عبدالهادي ال كحله]

احياناً


تأخذنا الذكرى لأأشياء

ومواقف
ومواقف
ومواقف
ومواقف


ومواقف
لاتُنسى على حالتيها.......,,



"




"








الهم كنّـه صلـو ..غلـوٍ أمفّـوح=يلعب بصـدري والمواليـن زاحـو
وقتٍ على العقـال غـادٍ امشّـوح=واللي لهم في العرف والطيب شاحو
وقتٍ بعـد وناسـة البـال صّـوح=واللي عليهم نقضة البـال ماحـو
حتى الشجر يفقد أطيـور أتنّـوح=وأزواجه بغصن الشجـر ماتلاحـو
أدفن اهمومـك بالصبـر لا تـأوّح=مـادا م عاليـن التقاديـر...




طاحـو..,

[عبدالهادي ال كحله]

الايام والناس

واعتراك

لانفس

والمعرفه

والجهل



والغره

والغرور






والنسياااااان










ليّام يومين يومٍ صحو ,واخر كدر=كنها على الادمي متناوبات الدوام

فيها نقابل وجه خير ووجهٍ ودر=والناس تقرى وتفهم في بطون الكلام

دنياً تعلي بناس وناس تنكس حدر=والله يمحق مكانٍ فيه قل أحترام

!من لاعرف قدر نفسه مالقا له قدر=ومن لايقدر مقام الغير ماله مقام

ومن لاحكا دون فهم..ودون قصد ومدر=يعيش لذة حلاله بالتوهم حرام

ومن كان قلبه يشده في مجامل خدر=قال الزمن عيش في جلباب ورد الغرام

ومن كان عقله يشده لعتناقة بدر=سلام مني على مثله كثير السلام..!!

..في الناس عندي ندر..والهرج مني ندر=والى بغيت المرام أعيف عجفا السنام

[عبدالهادي ال كحله]

والله مايرد العزيز الا الهزيل ,,=ولايوقف رغبة النفس كون اعماسها,,
ليتنا لاظلم الليل نلقا به بديل ..=عن هموم تغتشينا ويقوى باسها,,

أشهدٍ البعد عن ما يعيبك قو حيل..=ينثر اوجيه التعاسه ويجفي طاسها,,

أيييييه ياحظ التعاسه عليها ميل ميل..=وياصبر واس المقابيل عني واسها,,

الله يسعد من يمر بكلام له ذبيل=ويسعد انفوس الأحبه ويسعد ناسها

[عبدالهادي ال كحله]

الروح في ايدك


,,,.وانت تطلبني الزود
وش عاد تطلب زود
,,,واعطيك نفداكــ

أنت الغلا لك دون


... ماقطع لك اوعود..


كان الله احياني .
.وكان الله أحياكــ...!!

[عبدالهادي ال كحله]

عزمّت أبسند قامتي عن دربي اللي قد مشيته واختلف=؟أنا أختلف وقتي علي ..,أو الدروب اللي مشيت أمسكره
والقلب ما يااالف يكون اللي على العزّ أنتما ..له وأعترف=وألا الهوى ..فيه الوفا ,, وفيه الجفا ,..يا أللي تبيه العلم هاك وخّبره
ويالله دخليك من هواً غرِ ,غريرٍ ..في إطباعه ما أنعرف=يــــــــــــاقلبي اللي في لهيبه ..الشوق ,,جاله من أحبيِّبه أسعره
؟.البسمه اللي ..,.شفتها ,,هاااااك الشهر هل؟هي على ماكنت خابر وأعرف=أو إنها لاذة يصمت الغيظ ..يوم القلب قفى بحسره
يااامن يجيه ويخبره ..هل الغلا بااقي أو انه جاه سيلٍ وأنحرف= ..!وأني على طول الزمن باقي ..على ماكنت وأرجي ...وأذكره
..,.! وأنا عليّه قد مضى ,حلف اليمين .ولا تروجع من حلف=ماعاد اسير إبها الدروب اللي مشيت بظلمة الليل الظلام ومنكره
قالو لي الي جربو عرف ,ومعارف, وأمثله=البايره للي يبور بعشرة الصاااحب وانا أظنه نسى ..,وأذكّره

[عبدالهادي ال كحله]

ياهيه لاتبلش مع النـاس تبلشـك=عش الليالي كيف ماجـات عشهـا
لو يصلح الخيّب يوم أنه يناقشـك=كـان الرديـه بالـردى مانبشهـا
ولو أن جهال العـرب ماتحرشـك=ماكـان عٌقـال العـرب تبتلشهـا
ماتوصل العلم المنبـى بمطرشـك=للي لهم بالعـرف ممشـا ومشهـا
بوصيك في من حاول انه يهمشـك=معزتـه تشلهـا فــي نعشـهـا
وإن ضقة وجّه وجهتك للولي وأشك=اللي عليه أفراجهـا مـن نمشهـا
والا البشـر متلاتهـا ماتحمشـك=مامن وراهـا الا تلـوي خششهـا

[عبدالهادي ال كحله]

مد... يمناك الكريمه وانا ...بمدها
والغموض ...اللي ملا الراس واودابه سبه

ماتشين انفوس الاكرام لو اتحدها
علم صدرك لاتخفيه ون جالك جبه

قدها لوشين الوقت دربك ..قدها
ماتبي من راسي الصلف قد هو لك هبه

دامني من قو باسي وشبري ندّها
رقم واحد لي هنيا وانا اللي كاتبه


هاتها ياخافقي في عروقك ودها
لوهي اللي من السنه تزعله وتلاعبه


حبها في راسها ..والجبين ..وخدها
واحذر اللي من غلاها زعلك اتسببه

[عبدالهادي ال كحله]

العذر وقف يـاااااوش عـااد أتعذربـه
ومرضاة الانفس مانـي والله بلاحقهـا
وصمتي لبعـض المواقيـف أتوقربـه
لـو جابنفسـي مايوجعهـا ويقلقـهـا
ولاخاب ظن الرفيق وضيـع القربـه
ثم طـاع نـاسٍ علـى مـدة بنادقهـا
فباااااب الفرج لو يطول الضيق والكربه
ولامــال بالله سبحـانـه أمعلقّـهـا
ووسع الصدر..حلم وانا مـن تجبربـه
لوكاااااا هـم الغيـاب أللـي يسابقهـا

[عبدالهادي ال كحله]

كريم ..المشاعر لا عطي.. ما..عطاه أرخيص=وهي.. ياقرادة.. حظ من كان ..ترخصله
تجي ..من وحدها ماتبي للعطى.. ترخيص=وتبقى.. معى راعي الوفا طيب.. الخصله
ولا اقصد.. بها ياسامعي... في حدٍ تنقيص=جعلها ..الولي بين.. الاحاسيس متصله
فقدها ..مزيفها راعي ..الكذب والتلويص=تربق.. بها يوم.. الاوادم.. تربصله
اقوله من ..الإدراك اقوله.. وللتخصيص= من طابة.. مشاعر خافقه.. طايبٍ وصله
تخلص.. من الجافي ولا ترغب.. التخليص= من اللي ..يأصلها وهو.. طيب ٍ أصله
أرقص مشاعر.. من تذمّر .. من الترقيص= ايلين اتحدب.. له كلها ثم ..ترقصله
تروح لهدفها ..لو بعد تتعب ..القنيص=يوم انها.. الذويره.. قايد الريم.. منفصله

[نوف الخالدي]

كل عام وأنتم بخير

كل عام وأنتم الخير


عيدكم مبارك


وعساكم من عوادهـ




تتهادى لحظات الفرح بتسابيح العيد وبهجة الروح


هناك آخرين صنعوا هالة من الأفراح أدخلوا فيها أنفسهم


لكنهم أجادوا رسمه وأتقنوا فنّ نشره في من حولهم



لكم البياض والطهر أحبتي





:!:


:!:

[عبدالهادي ال كحله]

ضي الخواطر

أسفي على تأخير الرد

تواجدك بمتصفحي


تشريف منكِ


بارك الله فيكـ

[عبدالهادي ال كحله]

خلوني اقرى واطالع ما يجوز الذايقه=مدام امعانق من الايـام ماقـد لقـا
مرات نفسي تضيق ومـر ةٍ رايقـه=رحلة مراحل حياه وحل فيها ..شقا

[عبدالهادي ال كحله]

انتي ياروح القصيد ومنبعـه=لاتخليني لفرقـاك الرفيـق
كل ضل يم طيفـك اتبعـه=ماتطيق البعد وانا كيف أطيق

[عبدالهادي ال كحله]

صرخه ولكن داخل الروح للروح
رغم ان صرخات المخاليق برى
لا نافعٍ صمتي ولا ينفع البوح
قم أتدرى ليت قلبي تدرى
شريط ذكراً فيه للروح مصلوح
ليت الزمن به مرةٍ لي يمرى
ما غير نقرى صرخت الغير وانروح
واسرارنا للغير ماتنتورى

[عبدالهادي ال كحله]

الحرف والمعنى والافكار والقلب

تجمعت في صوب واحد وهو صوب



اللي معه أداه للخطف والسلب

عنده مستودع تارسه كله اقلوب


شجاع ومحنك ومفراصٍ وصلب

يغزو الجميع ابلا مغاوير واحروب




خذا التميز له وسامٍ على الغلب

حسِ فريد ورفعة الشان وأسلوب



باب السعاده يجلبه لابغى جلب

مكتوب عرفه والبلا صار مكتوب

[عبدالهادي ال كحله]

يكفيني من العطا ياكل ماجاني = واللي تقافت عن المبغي مراويحه

حشمت روحي عن افلا وعن افلاني= واللي يبطّح وهو تكذب تماديحه

واللي عما الحقد يملاه وتغشاني =وانا ماودي بترزيله وتجريحه..!!

ماهو وكيل ٍ علي يامر وينهاني=يعرض بروح الفنا في وصف مرجيحه

افا يالاحساس لاتقبل من الداني=بعض الاسامي كفاني منه تلميحه

افا ياقلبي ترفع قدر الامكاني =الصمت في الصبر يامكثر مرابيحه

افا ياعيني لبيت الطيب بيباني =والجود شاغوله اللي دوم تصليحه

افا وبنيٍ البني من دون سيساني=ادخل معه بس لا تامن به الطيحه ..!

للي يباني اخو واللي مايبغاني = يجعل من الطيب في ظهر الزمن ريحه

ويشري قلوب الاوادم قدر الامكاني=دنياه لا..! ظلّمة غدو مصابيحه

ترجمة احساس


:3Ey33343:

[عبدالهادي ال كحله]

قاعد آنفض آغباره من وقت ما دخله الهاجس